FLASH : కేంద్రమంత్రి గజేంద్ర సింగ్ షేకావత్ కి కరోనా..! సీఎం కేసీఆర్, సీఎం జగన్ సమావేశం రద్దు..?

కరోనా మహమ్మారి ప్రపంచ వ్యాప్తంగా విలయతాండవం చేస్తుంది. భారత్ పై దీని ప్రభావం మరింత తీవ్రంగా ఉంది. రోజురోజుకి పెరిగిపోతున్న కేసులతో ప్రజలు హడలిపోతున్నారు. సాధారణ ప్రజలతో పాటూ అధికారులు, ప్రజాప్రతినిధులు సైతం కరోనా బారిన పడుతున్నారు. అలాగే ఈ మహమ్మారి సోకి ఇప్పటికే అనేకమంది మరణించగా.. మరికొందరు కొలకుని హాస్పిటల్ నుంచి డిశ్చార్జ్ అయ్యారు. తాజాగా కేంద్ర మంత్రి గజేంద్ర సింగ్ షేకావత్ ఈ మహమ్మారి బారిన పడ్డారు.

ఈ విషయాన్ని స్వయంగా ఆయనే ట్విట్టర్ ద్వారా వెల్లడించారు. అలాగే గత కొన్ని రోజులుగా ఆయనని కలిసిన వాళ్ళు టెస్ట్ చేయించుకోవాలని ఆయన కోరారు. ప్రస్తుతం ఆయన హోమ్ ఐసోలేషన్ లో ఉన్నారు. ఇకపోతే ఈ నెల 25 న అపెక్స్ కౌన్సిల్ సమావేశం జరగనుంది. తెలుగు రాష్ట్రాల మ‌ధ్య ప‌రిష్కారానికి నోచుకోని జ‌ల‌వివాదాల‌ను ప‌రిష్క‌రించ‌డానికి రంగంలోకి దిగిన కేంద్ర ప్ర‌భుత్వం వారితో చర్చించనుంది. సీఎం కేసీఆర్, సీఎం జగన్ లతో ఈ విషయమై కేంద్ర జలశక్తి వనరుల మంత్రి గజేంద్ర సింగ్ షెకావత్ చర్చించనున్నారు. అయితే ఆయన కరోనా బారిన పడడంతో ఈ సమావేశం రద్దు అయ్యే అవకాశాలు ఉన్నట్టు తెలుస్తుంది.