టాలీవుడ్ ఇండస్ట్రీలో మెగాస్టార్ చిరంజీవికి ఉన్న ఇమేజ్ గురించి ప్రత్యేకంగా చెప్పనక్కర్లేదు. దాదాపు మూడు తరాల ప్రేక్షకులను అలరిస్తున్న ఈ మెగాస్టార్ ఇప్పటికీ తెలుగు చిత్రసీమలో అగ్రహీరోగా కొనసాగుతున్నారు. అయితే చిరు కెరీర్లో ఎన్నో ఒడుదొడుకులు ఉన్నాయి. 150కి పైగా నటించిన ఆయన సినిమాల్లో ఎన్నో హిట్లు ఉన్నాయి అలానే పరాజయాలు కూడా ఉన్నాయి.
అయితే ఆయన కెరీర్లో ప్రముఖంగా చెప్పుకోవాల్సిన సినిమాల్లో ‘హిట్లర్’ ఒకటి. అప్పటి వరకు యంగ్ డైనమిక్ హీరోగా నటించిన చిరు ఇందులో మాత్రం బాధ్యతాయుతమైన వ్యక్తిగా నటించారు.. ఐదుగురు చెల్లెళ్లకు అన్నగా నటించిన ఈ సినిమా మంచి విజయాన్ని సాధించింది.
హిట్లర్ సినిమా మలయాళంలో 1996లో మమ్ముట్టి హీరోగా సిద్ధిఖీ దర్శకత్వంలో తెరకెక్కింది. అయితే ఈ సినిమా తెలుగు రీమేక్ హక్కులను నిర్మాత, ఎడిటర్ మోహన్ కొనుగోలు చేశారు. అలానే ఈ చిత్రాన్ని ముందుగా మోహన్ బాబుతో ఈ.వి.వి సత్యనారాయణ దర్శకత్వంలో తెరకెక్కించాలని అనుకున్నారట. కానీ అప్పటికే మోహన్బాబు బిజీగా ఉండటంతో చిరుతో చేయాలని నిర్ణయించుకున్నారు. అలానే అనివార్య కారణాలతో ఇ.వి.వితో కాకుండా డైరెక్టర్ ముత్యాల సుబ్బయ్యతో.. చిరు ఇమేజ్ కూడా తగ్గట్టుగా కథలో మార్పులు చేసి రూపొందించారు. అలా విడుదలైన ఈ సినిమా సూపర్హిట్గా నిలిచింది.
కాగా, ప్రస్తుతం చిరు నటిస్తున్న సినిమాల్లో ‘గాడ్ఫాదర్’ ఒకటి. దీనికి దర్శకుడిగా నిర్మాత మోహన్ కుమారుడు మోహన్బాజా తెరకెక్కిస్తున్నారు. ప్రస్తుతం శరవేగంగా చిత్రీకరణ జరుపుకుంటోంది. మలయాళ హిట్ సినిమా ‘లూసిఫర్‌’కు రీమేక్‌గా రూపొందింది. ఈ పొలిటికల్‌ యాక్షన్‌ మూవీలో సల్మాన్‌ఖాన్‌, నయనతార, సత్యదేవ్‌ కీలక పాత్రలు పోషించారు. తమన్‌ సంగీతం అందించారు. రామ్‌చరణ్‌, ఆర్‌.బి. చౌదరి, ఎన్‌.వి. ప్రసాద్‌ సంయుక్తంగా నిర్మించిన ఈ సినిమా అక్టోబరు 5న తెలుగు, హిందీ భాషల్లో విడుదల కానుంది. ఈ నేపథ్యంలో ‘తార్‌మార్‌’ పాటను విడుదల చేసేందుకు రంగం సిద్ధం చేసింది మూవీ టీమ్. ప్రస్తుతానికి లిరికల్‌ వీడియో ప్రోమో (యూట్యూబ్‌), ఆడియో సాంగ్ (స్పోటిఫై యాప్‌) సందడి చేస్తున్నాయి. మంగళవారం పూర్తి సాంగ్ రిలీజ్ కానుంది.
