ఆంధ్రప్రదేశ్ లో ఇప్పుడు ఆక్సీజన్ కొరత తీవ్రంగా ఉన్న సంగతి తెలిసిందే. ఈ నేపధ్యంలో రాష్ట్ర ప్రభుత్వం ఏ చర్యలు తీసుకుంటుంది ఏంటీ అనే దానిపై అందరూ కూడా ఆసక్తిగా చూస్తున్నారు. ఇక తాజాగా ఏపీ సర్కార్ ఒక కీలక ఆదేశాలు ఇచ్చింది. 50 క్రాయోజెనిక్ ఆక్సిజన్ టాంకర్ లు కొనుగోలు చేయాలని 49 చోట్ల ఆక్సిజన్ ప్లాంట్ ల ఏర్పాటు చేయాలని నిర్ణయం తీసుకున్నారు.
వాటికోసం సివిల్, ఎలక్ట్రికల్ పనులకు, 10వేల ఆక్సిజన్ పైప్లైన్ ఏర్పాటు చేయాలని నిర్ణయం తీసుకున్నారు. ఆక్సిజన్ పైప్లైన్ మెయింటైనెన్సు కు జిల్లాకు నెలకు 10 లక్షలు చప్పున 6 నెలలకు పరిపాలన అనుమతులు ఇస్తూ ఉత్తర్వులు జారీ చేసారు. మొత్తంగా సుమారు 310 కోట్ల రూపాయల కు పరిపాలన అనుమతులు ఇస్తూ వైద్యారోగ్య శాఖ ముఖ్య కార్యదర్శి అనిల్ కుమార్ సింఘాల్ ఉత్తర్వులు జారీ చేసారు.
