ఈ రోజు గోవా నుంచి హైదరాబాద్ వస్తున్న ఓ బస్సు కర్ణాటకలోని కలబురిగి జిల్లాలో మినీ లారీని ఢీకొట్టి అగ్నికి ఆహుతైన సంగతి తెలిసిందే. ఈ ప్రమాదంలో 8 మంది హైదరాబాద్ వాసులు సజీవదహనమయ్యారు. అయితే.. తాజాగా తెలంగాణ సీఎం కేసీఆర్ ఈ ప్రమాద ఘటనపై దిగ్భ్రాంతికి లోనయ్యారు. ప్రమాదం జరగడం పట్ల తీవ్ర విచారం వ్యక్తం చేశారు కేసీఆర్. అంతేకాకుండా మృతుల కుటుంబాలకు రూ.3 లక్షల చొప్పున పరిహారం ప్రకటించారు కేసీఆర్.
క్షతగాత్రులకు రూ.50 వేలు చొప్పున ఇస్తున్నట్టు కేసీఆర్ పేర్కొన్నారు. ఈ ప్రమాదంలో గాయపడిన వారికి మెరుగైన వైద్యసాయం అందేలా చూడాలని అధికారులను సీఎం కేసీఆర్ ఆదేశించారు. మృతదేహాలను వారి స్వస్థలానికి తరలించేలా చర్యలు తీసుకోవాలంటూ మంత్రులు తలసాని శ్రీనివాస్ యాదవ్, హరీశ్ రావులకు నిర్దేశించారు. అధికారులతో సమన్వయం చేసుకుంటూ ముందకుపోవాలని సూచించారు కేసీఆర్.
