భారతదేశంలో గడిచిన 24 గంటల్లో రికార్డు స్థాయిలో కరోనా కేసులు నమోదయ్యాయి. ఒక్క రోజులోనే 9,971 కేసులు నమోదవగా 287 మంది మరణించారని కేంద్ర వైద్య, ఆరోగ్య మంత్రిత్వ శాఖ వెల్లడించింది. దీంతో ఇప్పటి వరకు నమోదైన మొత్తం కరోనా కేసుల సంఖ్య 2,46,628కి చేరుకోగా మరణాల సంఖ్య 6,929కి పెరిగింది. ప్రస్తుతం 1,20,406 మంది ఆసుపత్రుల్లో చికిత్స పొందుతుండగా, ఇప్పటివరకు కరోనా నుంచి కోలుకొని 1,19,292 మంది డిశ్చార్జ్ అయ్యారు.
