ఐపీఎల్‌లో సన్‌రైజర్స్‌ కెప్టెన్‌ డేవిడ్‌ వార్నర్‌ హిస్టరీ క్రియేట్‌ చేశాడు. ఐపీఎల్‌లో ఇప్పటి వరకు 50సార్లు 50కి పైగా స్కోర్ సాధించిన ఏకైక క్రికెటర్‌గా రికార్డు సాధించాడు. పంజాబ్‌తో జరగిన మ్యాచ్‌లో ఈ అరుదైన ఫీట్ అందుకున్నాడు వార్నర్‌.
2009 నుంచీ ఈ మెగా టీ20 లీగ్‌ ఆడుతున్న వార్నర్‌ ఇప్పటికే మూడు సార్లు ఆరెంజ్‌ క్యాప్‌ అందుకున్నాడు. అంటే ఈ లీగ్‌లో మూడు సార్లు అత్యధిక పరుగుల వీరుడిగా నిలిచాడు. 2018లో బాల్‌ టాంపరింగ్‌ వివాదంలో చిక్కుకొని ఏడాది పాటు ఆటకు దూరమవ్వగా ఆ ఒక్క సీజన్‌లో మాత్రమే ఆడలేదు. గతేడాది నిషేధం పూర్తి చేసుకున్న తర్వాత ఐపీఎల్‌లోకి ఎంట్రీ ఇచ్చాడు. వచ్చీ రాగానే 12 మ్యాచ్‌ల్లో 692 పరుగులు చేసి అందరినీ ఆశ్చర్య పరిచాడు.
వార్నర్‌ 132 ఇన్నింగ్స్‌ల్లో ఈ ఘనత సాధించగా, తర్వాతి స్థానంలో బెంగళూరు కెప్టెన్‌ విరాట్‌ కోహ్లీ ఉన్నాడు. కోహ్లీ 174 ఇన్నింగ్స్‌ల్లో 42 సార్లు 50కి పైగా పరుగులు చేశాడు. ఐపీఎల్‌లోనే వన్‌ ఆఫ్‌ ది బెస్ట్‌ ప్లేయర్‌ వార్నర్‌ అని…ఈ గణంకాలు చూస్తేనే అర్ధమవుతోంది.
