ఏపీ డిప్యూటీ సీఎం పవన్ కళ్యాన్ ప్రస్తుతం కడప జిల్లాలో పర్యటిస్తున్నారు. ఆయన పర్యటన నేపథ్యంలో వైసీపీ నేతల దాడిలో గాయపడిన ఎంపీడీవోను ఆయన పరామర్శించారు. అనంతరం పవన్ మీడియాతో మాట్లాడారు. ఈ క్రమంలోనే ఆయన తన అభిమానులపై ఒక్కసారిగా సీరియస్ అయ్యారు. డిప్యూటీ సీఎం హోదాలో పవన్ కళ్యాణ్ మాట్లాడుతుండగా.. కొందరు ఫ్యాన్స్ ‘ఓజీ.. ఓజీ.. అంటూ నినాదాలు చేశారు.
దీంతో పవన్ కళ్యాణ్ ‘ఏంటయ్యా మీరు.. ఎప్పుడు ఏ స్లోగన్ ఇవ్వాలో మీకు తెలియదు.. పక్కకు రండి’ అని వారిపై అసహనం వ్యక్తం చేశారు. అనంతరం వైసీపీ నేతలకు వార్నింగ్ ఇచ్చారు. ఎంపీడీవో మీద దాడికి పాల్పడిన వారిపై కఠిన చర్యలు తీసుకుంటామని హెచ్చరించారు. కాగా, పవన్ నటించిన ఓజీ మూవీ వచ్చే ఏడాది థియేటర్ల ముందుకు రానుందని సమాచారం.
