మహేష్ బాబు హీరోగా త్రివిక్రమ్ దర్శకత్వంలో వచ్చిన తాజా చిత్రం గుంటూరు కారం. సంక్రాంతి కానుకగా జనవరి 12న ప్రేక్షకుల ముందుకి వచ్చిన ఈ మూవీ బాక్సాఫీస్ వద్ద రూ.230 కోట్లకు పైగా వసూళ్లు రాబట్టింది.ఈ చిత్రంలో శ్రీలీల, మీనాక్షి చౌదరి కథానాయికలుగా నటించగా రమ్యకృష్ణ, జయరాం,మురళి శర్మ, ప్రకాష్ రాజ్, ఈశ్వరరావు,వెన్నెల కిషోర్ తదితరులు ముఖ్య పాత్రల్లో నటించారు. ఫేమస్ మ్యూజిక్ డైరెక్టర్ ఎస్ ఎస్ తమన్ ఈ చిత్రానికి సంగీతాన్ని అందించాడు. హారిక అండ్ హసన్ క్రియేషన్స్ పతాకంపై చిన్నబాబు ఈ చిత్రాన్ని నిర్మించాడు.
ఇదిలా ఉంటే….’గుంటూరు కారం’ ప్రేక్షకులను ఆకట్టుకోకపోవడంపై డైరెక్టర్ ఎస్వి కృష్ణారెడ్డి కీలక వ్యాఖ్యలు చేశారు. ఓ ఇంటర్వ్యూలో మాట్లాడుతూ.. ‘హీరోకు అనుకూలంగా సినిమాలు చేయాలనుకున్నప్పుడే సమస్య వస్తుంది. నేను చేసిన టాప్ హీరో, వజ్రం సినిమాలు అందుకే ఫెయిలయ్యాయి. తాజాగా గుంటూరు కారం మూవీని హీరో స్టార్డమ్ కు అనుకూలంగా చేయడానికి తంటాలు పడటంతోనే తేడా కొట్టింది. ఎప్పుడైనా కథను నమ్ముకునే మూవీ తీయాలి’ అని పేర్కొన్నారు.
