స్టైలిష్ స్టార్ అల్లు అర్జున్ నటించిన పాన్ ఇండియా చిత్రం పుష్ప ది రైజ్. ఈ చిత్రం విడుదలైన ప్రతి చోట మంచి విజయాలను అందుకుంది. ఇక ఊహించని విధంగా రికార్డు స్థాయిలో వసూళ్లను రాబట్టింది ఈ సినిమా. దీంతో ఈ సినిమా సీక్వెల్ పైన ప్రస్తుతం మంచి బజ్ ఏర్పడిందని చెప్పవచ్చు. ఇక ప్రస్తుతం ఉన్న క్రేజ్ ను దృష్టిలో పెట్టుకొని చిత్ర బృందం పుష్ప-2 సినిమాని రూ.350 కోట్ల రూపాయలతో ఈ సినిమాని మొదలుపెట్టబోతున్నట్లు సమాచారం. ఇక ఈ సినిమాలో హీరోయిన్గా రష్మి క నటిస్తోంది. ఇక ఈ సినిమా షూటింగ్ త్వరలోనే ప్రారంభం అవుతున్నట్లుగా చిత్ర బృందం ఇదివరకే ప్రకటించడం జరిగింది.
ఇక డైరెక్టర్ సుకుమార్ కూడా స్క్రిప్ట్ వర్క్ ని కూడా పూర్తి చేయడం జరిగింది. అభిమానులు కూడా పుష్ప -2 సినిమా ఎప్పుడేప్పుడు సెట్స్ మీదకి వెళుతుందా అని ఎంతో ఆత్రుతగా ఎదురు చూస్తున్నారు. ఇక గతంలో నవంబర్ నెలలో ఈ సినిమా సెట్స్ పైకి వెళ్తుందని వార్తలు వినిపించాయి. అయితే ఇప్పుడు తాజాగా ఈ సినిమా అక్టోబర్ మొదటి వారంలో మొదలు పెట్టబోతున్నట్లు తెలుస్తోంది.
అక్టోబర్ ఒకటవ తేదీన ఈ సినిమాని సెట్స్ పైకి ఎందుకు తీసుకెళ్లబోతున్నారు అంటే అక్టోబర్ ఒకటవ తేదీన అల్లు అర్జున్ అత్యంత ప్రతిష్టాత్మకంగా అల్లు స్టూడియోస్ ని ప్రారంభించబోతున్నారు.. అందుకోసం భారీ ఏర్పాట్లు కూడా జరగబోతున్నట్లు ఇండస్ట్రీలో టాక్ వినిపిస్తోంది. ఇక అందులోనే ఈ సినిమా షూటింగ్ కూడా జరగబోతున్నట్లు వార్తలు వినిపిస్తున్నాయి. ఇంతవరకు మెగా ఫ్యామిలీ ,అల్లు ఫ్యామిలీ ఎలాంటి స్టూడియో నిర్మాణాన్ని చేపట్టలేదు మొదటిసారి అల్లు ఫ్యామిలీ స్టూడియోను నిర్మిస్తూ ఉన్నారు. దీంతో అల్లు అర్జున్ అభిమానులకు డబుల్ గుడ్ న్యూస్ అని చెప్పవచ్చు.
