ఓ ప్రాంతంలో 14 ఏళ్ల బాలిక.. మరో చోట 3 ఏళ్ల చిన్నారి.. ఎటు చూసినా చీకటే. ఊపిరి కూడా సరిగా అందని స్థితి. కదిలేందుకు కూడా వీలులేనంతగా శిథిలాల కింద చిక్కుబడిపోయారు. ఇలా.. గంటలు కాదు.. రోజులు గడిపారు. టర్కి, గ్రీస్ భూకంపంతో కూలిన అపార్ట్మెంట్ల శిథిలాల కింద ఆ ఇద్దరూ మూడు రోజుల పాటు ప్రాణాలతో గడిపారు. సహాయక చర్యలు చేపడుతున్న రెస్క్యూ టీమ్ గమనించి రక్షించడంతో ప్రాణాలతో బయటపడ్డారు. ఆ ఇద్దరినీ ఆస్పత్రికి తరలించారు.
