నేడు శంకర్‌పల్లి మండలం పొద్దుటూరులో ప్రపంచస్థాయి ఎకో ఫ్లెండ్లీ ఎక్స్ పీరియం పార్క్‌ను సీఎం రేవంత్ రెడ్డి,మెగాస్టార్ చిరంజీవి కలిసి ప్రారంభించిన విషయం తెలిసిందే. ఈ సందర్భంగా మెగాస్టర్ మాట్లాడుతూ.. సీఎం రేవంత్ చాలా బిజీగా ఉన్నా ఈ పార్కు ఓపెనింగ్‌కు రావడం సంతోషమని పేర్కొన్నారు. ఇలాంటి పార్కులకు సీఎం రేవంత్ ప్రోత్సాహం అందించడం చాలా అభినందనీయమన్నారు.
ఇటువంటి పార్క్‌ల వల్ల ఎంతో మందికి ఉపాధి, టూరిజం సైతం పెరుగుతుందని తెలిపారు. ప్రభుత్వం సహకారం ఈ పార్కుకు మెండుగా ఉంటుందన ఆశాభావం వ్యక్తం చేశారు. ఎక్స్‌పీరియం పార్క్‌ అనేది బ్యూటిఫుల్ పీస్ ఆఫ్ ఆర్ట్ అని,అది తెలంగాణ, హైదారాబాద్ సిటీకి వన్నె తెస్తుందన్నారు. ఇంతటి అద్భుతమైన పార్కు ఏర్పాటు చేసిన రామ్ దేవ్ ఒక వ్యాపార వేత్త కాదని ఒక కళాకారుడని కొనియాడారు.అంతేకాకుండా దీనిని సినిమా షూటింగులకు ఇవ్వాలని, తన సినిమాను ఇందులో చేయాలని అనుకుంటున్నట్లు తన మనసులోని మాటను బయటపెట్టారు.
