హైదరాబాద్: మాజీ మంత్రి ఈటల రాజేందర్ ఇవాళ బీజేపీలో చేరనున్నారు. ఈ మేరకు బీజేపీ జాతీయ అధ్యక్షుడు జేపీ నడ్డాను ఈటల రాజేందర్ కలవనున్నారు. ఇందుకు కోసం ఈటల రాజేందర్ హైదరాబాద్ నుంచి ఢిల్లీ బయల్దేరి వెళ్లారు. ఈటల రాజేందర్‌తో పాటు పలువురు నేతలు కూడా ఢిల్లీ వెళ్లారు. ఇక ఈటల తన నివాసం నుంచి భారీ కాన్వాయ్‌తో రోడ్డు మార్గాన శంషాబాద్ ఎయిర్ పోర్టుకు వెళ్లారు. అక్కడి నుంచి ప్రత్యేక విమానంలో ఢిల్లీకి బయల్దేరారు. ఉదయం 11.30 గంటలకు బీజేపీ జాతీయ ప్రధాన కార్యదర్శి ఒకరు ఢిల్లీలోని పార్టీ కేంద్ర కార్యాలయంలో ఆయనకు కాషాయ కండువా వేయనున్నారు. అనంతరం పార్టీ జాతీయ అధ్యక్షుడు జేపీ నడ్డాను ఈటల కలుస్తారు.
