ఏపీలోని ప్రకాశం జిల్లాలో ఘోర రోడ్డు ప్రమాదం సంభవించింది. పొగమంచు వలన రహదారి కనిపించక ముందు వెళుతున్న ట్రాక్టర్‌ను ఓ కారు వెనుక నుంచి ఢీ కొట్టింది.ఈ ప్రమాదంలో ఒక వ్యక్తి మృతి చెందగా, మరో ముగ్గురికి తీవ్ర గాయాలయ్యాయి. ఈ ఘటన జిల్లాలోని బెస్తవారిపేట మండలం శాంతినగర్ వద్ద సోమవారం తెల్లవారు జామున వెలుగుచూసింది.
పొగమంచు దట్టంగా కమ్ముకుని ఉండటంతో కారు డ్రైవర్‌కు ఏమీ కనిపించక ముందున్న ట్రాక్టర్‌ను ఢీకొట్టినట్లు తెలిసింది. ఈ ఘటనలో కారులో ప్రయాణిస్తున్న ఓ వ్యక్తి అక్కడికక్కడే దుర్మరణం పాలయ్యారు. మరో ముగ్గురికి తీవ్ర గాయాలైనట్లు తెలిసింది.క్షతగాత్రులను వెంటనే స్థానిక ఆసుపత్రికి తరలించి చికిత్స అందిస్తున్నారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.
