తను కరిగిపోతూ పిల్లల జీవితంలో వెలుగులు నింపే నాన్నకు జోహార్లు..

పిల్లలకి తల్లి అంటే ఎంత ప్రేమ ఉంటుందో, తండ్రి అంటే కూడా అంతే ప్రేమ ఉంటుంది.. అయితే నాన్న గంభీరంగా ఉంటారు అందుకే నాన్నకు కొద్దిగా భయ పడతారు..ఏదైనా నాన్నకు ఇబ్బంది కలిగితే మాత్రం అర సెకను కూడా ఆగరు..అదే పిల్లలకు,నాన్నకు ఉన్న అనుబంధం..తల్లి జన్మనిస్తే, తండ్రి తన పిల్లల్ని కాపాడడానికి, తన పిల్లల కనే ప్రతి కలని నెరవేర్చడానికి జీవితాంతం కష్టపడతాడు.తాను ఎన్నో త్యాగాలను చేసి పిల్లల మొహంలో సంతోషాన్ని చూడాలని అనుకుంటారు.

ఒక తండ్రి తన జీవితమంతా పిల్లల భవిష్యత్తుకు పునాది వేయడానికి, వారి చిన్న, పెద్ద అవసరాలను తీర్చడానికి తన జీతాన్ని జీవితాన్ని వెచ్చిస్తాడు. అయితే తండ్రి ప్రేమని త్యాగాన్ని గుర్తిస్తూ.. నాన్నకి ఎప్పుడూ కృతజ్ఞతలు చెప్పము. కనీసం ఒక్కరోజైనా రాత్రింబగళ్లు కష్టపడే నాన్న కృషి, ప్రేమ. తండ్రి ప్రేమకు ధన్యవాదాలు తెలుపుతూ.. ఫాదర్స్ డే జరుపుకుంటారు. ఇదినాన్నని గౌరవించే రోజు. ఈ రోజున మీరు మీ తండ్రికి ప్రత్యేక అనుభూతిని ఇచ్చే విధంగా ఉండడానికి ప్రయత్నం చేయండి..