హైదరాబాద్ మహానగరం లో ఘోర అగ్ని ప్రమాదం చోటు చేసుకుంది. హైదరాబాద్ లోని బోయ గూడా ప్రాంతంలో ఈ ప్రమాదం జరిగింది. అయితే ఈ అగ్ని ప్రమాదంలో ఏకంగా 11 మంది సజీవదహనం అయ్యారు. అలాగే మరో ఇద్దరు మంటల్లో చిక్కుకున్నట్టు సమాచారం అందుతోంది.
బోయ గూడా లోని టింబర్ డిపో లో… బుధ వారం వేకువ జామున భారీగా మంటలు ఎగిసిపడ్డాయి. అసలు మంటలు ఎలా వచ్చాయో తెలీదు కానీ… ఒక్క సారిగా భారీ ఎత్తున వ్యాప్తి చెందాయి. దీంతో 11 కార్మికులు మృతి చెందారు.
మరో ఇద్దరు మంటల్లోనే చిక్కుకున్నట్లు తెలుస్తోంది. ఇక ప్రస్తుతం ఘటనా స్థలంలో సహాయక చర్యలు కొనసాగుతున్నాయి. మొత్తం ఎనిమిది ఫైరింజన్లు అక్కడికి చేరుకొని… మంటలు ఆర్పే ప్రయత్నాలు చేస్తున్నాయి. ఇక ఈ ప్రమాదంలో.. మరణాల సంఖ్య ఇంకా పెరిగే ఛాన్స్ ఉన్నట్లు సమాచారం అందుతోంది. అంతేకాదు.. భారీగా ఆస్తి నష్టం వాటిల్లే ఛాన్స్ ఉన్నట్లు తెలుస్తోంది.
