ఇండిగో తెలుగు ప్రజలకి గుడ్ న్యూస్ చెప్పింది. దేశీ దిగ్గజ విమానయాన సంస్థ ఇండిగో ఏపీలో కర్నూల్ నుంచి ఫ్లైట్ సర్వీసులు తీసుకొస్తున్నట్టు చెప్పింది. మార్చి నుంచి ఫ్లైట్ సర్వీసులు స్టార్ట్ అవుతున్నట్టు కంపెనీ వెల్లడించింది. ఈ వార్త నిజంగా ఎందరికో ఊరట కలిగించింది. ప్రధాన నగరాలకు వెళ్లాలంటే ఇక నుండి విమానాల మీద వెళ్లొచ్చు. ప్రయాణ సమయం కూడా తగ్గుతుంది.
ఈ సర్వీసులు తీసుకు రావడానికి కారణం.. దక్షిణ భారతదేశంలో కనెక్టివిటీ పెంచుకోవాలనే లక్ష్యంతో ఈ నిర్ణయం తీసుకున్నారని చెప్పారు. హైదరాబాద్ బెంగళూరు ఇండస్ట్రియల్ కారిడార్‌లో కర్నూల్ (ఓర్వకల్లు) నోడ్‌గా ఉందని గుర్తు చేశారు. వారంలో నాలుగు సార్లు కర్నూల్ నుంచి బెంగళూరు, కర్నూల్ నుంచి విశాఖపట్నం, కర్నూల్ నుంచి చెన్నైకి విమాన సర్వీసులు ఉంటాయని ఇండిగో తెలిపింది.
