సెన్స్‌, టెక్నాలజీ ఎంత అభివృద్ధి చెందితే.. అన్ని అద్భుతాలు సృష్టించవచ్చు. మీరు ఇప్పటికే చూస్తూనే ఉన్నారు. మన చిన్నప్పటికి ఇప్పుడు ఎంత తేడా ఉందో. అయితే పిల్లలు పుట్టడంలోనూ సైన్స్ అద్భుతాలు చేస్తోంది. మగ ఎలుకల కణాల నుంచి.. పిల్లలను పుట్టించారు శాస్త్రవేత్తలు. ఇలాంటి వింత అద్భుతాన్ని చేశారంటే మీరు నమ్మాల్సిందే. రెండు మగ ఎలుకల కణాల నుంచి పిల్ల ఎలుకలను తయారు చేశారు.. అంటే ఆడ ఎలుకతో సంబంధం లేకుండానే.. పిల్లలను పుట్టించారు..
ఇలాంటి సైంటిఫిక్ మిరాకిల్ మనుషులపై కూడా జరగాలంటే మరిన్ని పరిశోధనలు అవసరమని శాస్త్రవేత్తలు అభిప్రాయపడుతున్నారు. ప్రయోగం సమయంలో కేవలం కొన్ని ఎలుకలు మాత్రమే సజీవంగా జన్మించాయని, ఈ ప్రయోగం మానవులకు ఎంతవరకు ప్రయోజనకరంగా ఉంటుందో తెలియదని శాస్త్రవేత్తలు అంటున్నారు.
ప్రయోగం ఎలా చేశారంటే..
మొదట, సైంటిస్టులు మగ ఎలుకల తోక చర్మ కణాలను మూల కణాలుగా మార్చారు. ఆపై వాటికి చికిత్స, మందులు ఇవ్వడం ద్వారా కణాలను ఆడ కణాలుగా మార్చారు. గుడ్డు కణాలను ఉత్పత్తి చేసి, గుడ్లను ఫలదీకరణం చేసి ఆడ ఎలుకలలో పిండాలను అమర్చారు. 630 పిండాలలో 7 మాత్రమే బతికి జన్మించాయని శాస్త్రవేత్తలు తెలిపారు.
క్యుషు యూనివర్శిటీ, జపాన్‌లోని ఒసాకా యూనివర్శిటీకి చెందిన రీసెర్చ్ లీడర్ కట్సుహికో హయాషి మాట్లాడుతూ.. మగ ఎలుకల కణాల నుంచి పుట్టిన ఎలుకలు సాధారణంగానే ఉన్నాయన్నారు. ఇవి ఇతర ఎలుకల మాదిరిగానే పెరుగుతున్నాయని చెప్పారు. ఈ ప్రయోగం మరింత విజయవంతమైతే పునరుత్పత్తి, సంతానోత్పత్తి పరిశోధనలకు కొత్త ప్రేరణగా ఉపయోగపడుతుందని, కొత్త విధానానికి అవకాశం కల్పిస్తామని జోనాథన్ బేయర్ల్ అనే మరో శాస్త్రవేత్త తెలిపారు. అంతరించిపోతున్న క్షీరదాలను పెంపకం చేయడానికి ఈ ప్రయోగం ఉపయోగపడుతుంది.
దీనిపై మరిన్ని పరిశోధనలు అవసరం, కొన్ని జాగ్రత్తలు పాటించాల్సిన అవసరం ఉందని శాస్త్రవేత్తలు తెలిపారు..సర్రోగేట్ ఎలుకలలో ఉంచిన పిండాల చిన్న భాగం మాత్రమే ఎందుకు మనుగడ సాగిస్తుందో ఇప్పటికీ అస్పష్టంగా ఉంది. ఈ రకమైన ట్రయల్ మానవులలో ఎంత విజయవంతమవుతుందో తెలుసుకోవడానికి మరిన్ని ఆధారాలు సేకరించాల్సిన అవసరం ఉందని సైంటిస్ట్ జోనాథన్ వెల్లడించారు.
ప్రయోగశాలలో ఎలుకల పిండాలను రూపొందించడానికి కొత్త పద్ధతులను పరీక్షించడంలో పరిశోధన సహాయపడుతుంది. ఈ పిండాలు ఇతర పిండాల మాదిరిగానే నిర్మాణాలను కలిగి ఉన్నట్లు నివేదికలు తెలిపాయి.
