ఇండియన్ ప్రీమియర్ లీగ్ 17వ సీజన్ లో భాగంగా ఇవాళ రాజస్థాన్ రాయల్స్, గుజరాత్ టైటాన్స్ జట్లు తలపడనున్నాయి. జైపూర్లో రాత్రి 7:30 గంటలకు మ్యాచ్ ప్రారంభము కానుంది. ఇదిలా ఉంటే… వర్షం పడుతుండటంతో టాస్ ఆలస్యమైంది.ప్రస్తుతం వర్షం తగ్గడంతో స్టేడియం సిబ్బంది కవర్స్ తొలగించారు. కాసేపట్లో టాస్ వేసే అవకాశం ఉంది.
కాగా, టోర్నీ చరిత్రలో ఈ రెండు జట్లు ఇప్పటివరకు 5 సార్లు తలపడగా గుజరాత్ టైటాన్స్ 4 మ్యాచుల్లో గెలిచింది.రాజస్థాన్ రాయల్స్ కేవలం ఒక మ్యాచులోనే నెగ్గింది. పాయింట్స్ టేబుల్లో 8 పాయింట్లతో రాజస్థాన్ రాయల్స్ టాప్లో ఉండగా, గుజరాత్ టైటాన్స్ 4 పాయింట్లతో 7వ స్థానంలో ఉంది.
