బాల నటిగా సినీ ఇండస్ట్రీకి పరిచయం అయ్యి కాలక్రమేణా స్టార్ హీరోయిన్‌గా మారిన అందాల భామ హన్సిక మోత్వానీ .రీసెంట్ గా వివాహం చేసుకున్న ఆమె తనకు కాస్టింగ్ కోచ్ అనుభవాలు ఉన్నాయని , రీసెంట్ గా ఓ ఇంటర్వూలో చెప్పుకొచ్చింది. అందులో భాగంగా ఆమె ఓ తెలుగు హీరో పై ఆరోపణలు చేసింది. తెలుగులో ఓ హీరో తనని బాగా ఇబ్బందికి గురి చేశాడని..డేట్‌కి వెళ్దాం వస్తావా అంటూ విసిగించేవాడని చెప్పుకొచ్చింది. అయితే ఆ హీరోకి తగిన రీతిలో తగిన బుద్ది చెప్పానని తెలిపింది.
అయితే, ఆ హీరో ఎవరనే విషయాన్ని మాత్రం హన్సిక వెల్లడించలేదు. దీంతో హన్సికను ఇంతలా ఇబ్బంది పెట్టిన ఆ టాలీవుడ్ హీరో ఎవరై ఉంటారని.. నెటిజన్లలో కొత్త చర్చ మొదలైంది. ముంబైకి చెందిన ఓ బిజినెస్ మ్యాన్ను వివాహం చేసుకున్న హాన్సిక అక్కడే సెటిలైంది. పెళ్లి అయిన తర్వాత కూడా ఈ అమ్మడు సినిమా అవకాశాలు అందుకుంటోంది. కోలీవుడ్ లోనూ ఏ మాత్రం క్రేజ్ తగ్గలేదు. దేశముదురు సూపర్ హిట్ కావడంతో హాన్సికకు తెలుగు సినిమాల్లోనూ వరుస ఆఫర్లు వచ్చాయి. టాప్ హీరోలందరితో హన్సిక నటించింది. తెలుగులో కంటే తమిళ్‌ లో ఎక్కువ సినిమాల్లో ఆడిపాడింది.
