పనస ఆరోగ్యానికి చాలా మేలు చేస్తుంది. ఇందులో పోషక పదార్థాలు ఎక్కువగా ఉంటాయి. పచ్చి పనసకాయ తో కూర చేసుకుంటే మంచి రుచిగా ఉంటుంది. పనస తో బిర్యాని కూడా చేసుకోవచ్చు. అలానే ఆ గింజల్లో కూడా పోషక పదార్థాలు ఎక్కువగా ఉంటాయి. దీనిని కూడా తీసుకోవచ్చు. అయితే పోషక పదార్థాలు సమృద్ధిగా ఉండే పనస తో ఎలాంటి ప్రయోజనాలు పొందవచ్చు అనేది ఇప్పుడు చూద్దాం.
హృదయ ఆరోగ్యానికి మంచిది:
హృదయ ఆరోగ్యానికి పనస ఎంతో మేలు చేస్తుంది. ఇందులో ఫైబర్, పొటాషియం, యాంటీ ఆక్సిడెంట్లు సమృద్ధిగా ఉంటాయి గుండె ఆరోగ్యానికి కూడా ఇది మేలు చేస్తుంది. కొలెస్ట్రాల్ ను కూడా ఇది తగ్గిస్తుంది.
ఎముకలకు మంచిది:
పనస తీసుకోవడం వల్ల ఎముకలకు కూడా మంచిది. ఇందులో క్యాల్షియం ఎక్కువగా ఉంటుంది. దీనితో ఎముకలు దృఢంగా ఉంటాయి.
డయాబెటిస్ వాళ్లకి కూడా మంచిది:
డయాబెటిస్ సమస్య తో బాధపడే వారికి పనస ఎంతో మేలు చేస్తుంది. ఇందులో ఫైబర్ ఎక్కువగా ఉంటుంది. షుగర్ లెవల్స్ ను కంట్రోల్ చేయడానికి ఇది సహాయం చేస్తుంది.
బీపీ ఉన్న వాళ్ళకి మంచిది:
బీపీ ఉన్న వాళ్లకి కూడా ఇది బాగా మేలు చేస్తుంది. టెన్షన్ ని కూడా ఇది తగ్గిస్తుంది. అలానే ఎనీమియా సమస్యని తొలగించడానికి కూడా ఇది ఉపయోగపడుతుంది.
ఇమ్యూనిటీ పెరుగుతుంది:
పనసని తీసుకోవడం వల్ల రోగ నిరోధక శక్తి కూడా పెరుగుతుంది. ఇందులో విటమిన్ ఏ, విటమిన్ సి, యాంటి ఆక్సిడెంట్లు ఎక్కువగా ఉంటాయి. వైరల్ ఇన్ఫెక్షన్ల బారిన పడకుండా కూడా ఇది రక్షిస్తుంది.
