హీరో శ్రీవిష్ణు “అల్లూరి” ఫస్ట్ లుక్ రిలీజ్.. నిజాయితీకి మారుపేరు

సినిమా జయాపజయాలతో సంబంధం లేకుండా వరుసగా సినిమాలు చేసుకుంటూ వెళ్తున్నాడు టాలీవుడ్ లో ఉన్న విలక్షణ నటుల్లో ఒకరైన శ్రీ విష్ణు. ప్రస్తుతం పలు ఆసక్తికరమైన ప్రాజెక్టులను లైన్ లో పెట్టిన శ్రీ విష్ణు తాజాగా ఓ పవర్ఫుల్ పోలీస్ ఆఫీసర్ గా రాబోతున్నాడు. ఈ చిత్రానికి “అల్లూరి” అనే టైటిల్ ని ఖరారు చేశారు.” నిజాయితీకి మారుపేరు” అనే ట్యాగ్ లైన్ ని ఆడ్ చేశారు. ఈ సినిమా తో ప్రదీప్ వర్మ దర్శకుడిగా టాలీవుడ్ కు పరిచయం అవుతున్నాడు.

లక్కీ మీడియా బ్యానర్ పై బెక్కం వేణుగోపాల్ ఈ సినిమాను నిర్మిస్తున్నారు. శ్రీ విష్ణు కెరీర్లో మొట్టమొదటి పోలీస్ చిత్రంగా విశేషాన్ని సంతరించుకుంది. శుక్రవారం “అల్లూరి” చిత్రానికి సంబంధించిన ఫస్ట్ లుక్ పోస్టర్ ను విడుదల చేసింది చిత్రబృందం. కాగా ఈ సినిమాలో హీరోయిన్ గా కయ్యద్ లోహర్ నటిస్తుంది. తనికెళ్ల భరణి, సుమన్, రాజా రవీంద్ర, పృథ్విరాజ్, రవివర్మ, మధుసూదన్రావు, జయవాణి తదితరులు ఈ సినిమాలో కీలక పాత్ర పోషించనున్నారు. ప్రస్తుతం ఈ సినిమా షూటింగ్ శరవేగంగా జరుపుకుంటుంది. ఈ సినిమాను ఈ ఏడాది చివర్లో రిలీజ్ చేసే ప్లాన్ చేస్తున్నారు మేకర్స్.