మిగతా రోజులు ఎలా ఉన్నా సరే ఆదివారం మాత్రం ఇంట్లో నాన్‌వెజ్ ఉండాల్సిందే.సండే వచ్చిందంటే చాలు చికెన్ ముక్క లేదా మటన్ బొక్క లేనిదే ముద్ద దిగదు అన్నట్లు ఉంది వ్యవహారం. సండే రోజున హైదరాబాద్ నగర వాసులు చికెన్, మటన్ షాపుల్లో క్యూ కడతారు.
అయితే తాజాగా నగర వాసులకు గ్రేటర్ హైదరాబాద్ మున్సిపల్ కార్పొరేషన్ షాకింగ్ న్యూస్ చెప్పింది. ఆదివారం రోజున మహావీర్ జయంతి ఉంది. మహావీర్ జయంతి పండుగ అనేది జైనులు జరుపుకునే పండుగల్లో అతి ముఖ్యమైన పండగ. కాగా, మహావీర్ జన్మదినం సందర్భంగా ఆదివారం రోజున కబేళాలు, మీట్, బీఫ్ మార్కెట్లతో పాటు మాంసం షాపులు కూడా బంద్ చేయాలని గ్రేటర్ హైదరాబాద్ మున్సిపల్ కార్పొరేషన్ ఆదేశాలు జారీ చేసింది. మహావీర్ జయంతి ఉన్న సందర్భంగా ఈ ఉత్తర్వులు జారీ చేస్తున్నట్లు జీహెచ్‌ఎంసీ కమిషనర్ రొనాల్డ్ రాస్ తెలిపారు.
