ప్రేమలో పడిపోవడం ఈజీ కానీ దానిని నిలబెట్టుకోవడం ఎంతో కష్టం. పైగా ఒకసారి ప్రేమలో పడ్డాక చాలా మందికి అది స్వచ్ఛమైన ప్రేమనా లేదంటే అట్రాక్షన్ ఆ అనే సందేహాలు కలుగుతూ ఉంటాయి. మరి మీ ప్రేమ కూడా నిజమైనదా కాదా అనేది ఇలా తెలుసుకోవచ్చు.
వాలెంటైన్స్ డే లోగా అది స్వచ్ఛమైన ప్రేమా లేదంటే అట్రాక్షన్ ఆ అనేది తెలుసుకొని ఒక క్లారిటీ కి వచ్చేయండి. అది నిజమైన ప్రేమ అయితే కచ్చితంగా వాళ్లని వదులుకోకండి. మరి మీది స్వచ్ఛమైన ప్రేమో కాదో ఎలా తెలుసుకోవచ్చు అనే విషయాన్ని ఇప్పుడే చూసేద్దాం.
మీరు సురక్షితంగా ఉంటారు:
స్వచ్ఛమైన ప్రేమలో కనుక మీరు ఉన్నట్లయితే మీకు ఎటువంటి భయం, బాధ ఉండదు. మిమ్మల్ని బెదిరించడం, మీపై ఒత్తిడి చేయడం వంటివి కూడా స్వచ్ఛమైన ప్రేమలో ఉండవు. ఆనందంగా సురక్షితంగా మీరు వుంటారు. మీ పార్ట్నర్ మీ మీద కోప్పడడం మిమ్మల్ని నొప్పించడం బాధ పెట్టడం వంటివి స్వచ్ఛమైన ప్రేమలో ఉండవు.
వాళ్లు కూడా వింటారు:
మీరు చెప్పే విషయాన్ని మీ పార్ట్నర్ కనుక వింటున్నట్లయితే అది స్వచ్ఛమైన ప్రేమ అని మీరు తెలుసుకోవచ్చు. స్వచ్ఛమైన ప్రేమలో ఇద్దరు కూడా మాట్లాడుకుంటూ ఉంటారు. కేవలం ఒక పక్కన ఉండే సంభాషణ జరగదు.
మిమ్మల్ని మార్చడానికి చూడరు:
స్వచ్ఛమైన ప్రేమలో మీ పార్ట్నర్ మిమ్మల్ని అర్థం చేసుకుంటారు అలానే మీరు చెప్పే వాటిని గౌరవిస్తారు. అంతేకానీ మిమ్మల్ని మార్చేందుకు వాళ్ళు ప్రయత్నం చేయరు.
చక్కటి కమ్యూనికేషన్ ఉంటుంది:
స్వచ్ఛమైన ప్రేమలో కమ్యూనికేషన్ బాగుంటుంది పైగా మీ ప్రతి ఆలోచన మీరు వాళ్ళతో పంచుకుంటూ ఉంటారు. మీ ఫీలింగ్స్ ని వాళ్ళతో చెబుతూ ఉంటారు.
మీ ఎదుగుదలని ప్రోత్సహిస్తారు:
మీ టాలెంట్ ని ఎంకరేజ్ చేయడం మీ ఆలోచనలు గౌరవించడం మీకు సపోర్ట్ ఇవ్వడం వంటివి స్వచ్ఛమైన ప్రేమలో మాత్రమే కనపడతాయి.
ఒకరిపై ఒకరికి నమ్మకం ఉంటుంది:
స్వచ్ఛమైన ప్రేమలో ఒకరి మీద ఒకరికి నమ్మకం ఉంటుంది. నమ్మకం లేకపోతే అది స్వచ్ఛమైన ప్రేమ కాదు.
మీ అవసరాలని తీరుస్తారు:
ఎమోషనల్ గా మీకు మంచి సపోర్ట్ ని ఇస్తారు మీ సమస్యలే పరిష్కరిస్తారు మీ అవసరాలని తీర్చడానికి చూస్తారు.
మిమ్మల్ని గౌరవిస్తారు:
ప్రేమలో కచ్చితంగా గౌరవం ఉండాలి. గౌరవాన్ని ఒకరికొకరు ఇచ్చిపుచ్చుకుంటూ ఉండాలి అలానే ప్రేమలో నిజాయితీ మర్యాద ఇవన్నీ కూడా ఉంటాయి. ఇవన్నీ కనక మీ ప్రేమలో కనపడితే అది స్వచ్ఛమైన ప్రేమ అని మీరు తెలుసుకోవచ్చు.
ప్రతిరోజు ప్రేమ కనబడుతుంది:
ప్రతిరోజు కనుక మీకు అదే ప్రేమ కనబడుతున్నట్లయితే అది స్వచ్ఛమైన ప్రేమే.
ప్రతిదీ బెస్ట్ ఇవ్వాలని చూస్తారు:
స్వచ్ఛమైన ప్రేమలో మీ పార్ట్నర్ ఎప్పుడు కూడా మీరు మంచి పొజిషన్ లో ఉండాలని మీకు ప్రతీ బెస్ట్ ఇవ్వాలని వాళ్ళు కోరుకుంటారు. మీ అందం కోసం వాళ్ళు తపిస్తారు.
