ఇటీవల ప్రోమో రిలీజ్ చేసిన రియాల్టీ షో బిగ్‌బాస్ తెలుగు సీజన్ 4కు సంబంధించి తాజాగా కీలకమైన అడుగు ముందుకు పడింది. ఈ షోలో హోస్ట్ చేయనున్న హీరో నాగార్జునపై అన్నపూర్ణ స్టూడియోలో వేసిన ప్రత్యేక సెట్‌లో బిగ్‌బాస్ సీజన్ 4కు సంబంధించిన టీజర్‌ను షూట్ చేసారు. ఈ టీజర్‌ను సోగ్గాడే చిన్నినాయన సినిమాను డైరెక్ట్ చేసిన కళ్యాణ్ కృష్ణ డైరెక్ట్ చేసాడు. త్వరలో నాగార్జునతో కూడిన ప్రోమోను విడుదల చేయనున్నారు. తెలుగులో బిగ్ బాస్ షో షూటింగ్‌ను ఆగష్టు 29న నాగార్జున పుట్టినరోజున గ్రాండ్‌గా ప్రసారం చేయాలనే ఆలోచనలో ఉన్నారు స్టార్ మా నిర్వాహకులు.
FLASH… FLASH…
షూటింగ్ సందడి మొదలెట్టిన కింగ్ నాగార్జున..#NagarjunaAkkineni @iamnagarjuna pic.twitter.com/9BRsDTckCR
— BARaju (@baraju_SuperHit) July 31, 2020
అలాగే బిగ్‌బాస్ షూటింగ్ చేసే ప్రదేశంలో ఎంత తక్కువ వీలైతే అంత తక్కువ మంది సభ్యులు ఉండేలా ప్లాన్ చేస్తున్నారు. ఈ షో కోసం నాగార్జుకు ప్రత్యేకంగా ఓ గదిని ఏర్పాటు చేయనున్నారు. గతంలో లాగా 100 రోజులు కాకుండా.. ఈసారి 70 రోజులు ఉండేలా బిగ్‌బాస్ సీజన్ 4ను ప్లాన్ చేసారు. తాజగా ఈ సీజన్ కోసం నాగార్జునకు స్టార్ మా యాజమాన్యం భారీగానే ముట్ట జెప్పబోతున్నట్టు సమాచారం.
