మొబైల్స్ త‌యారీదారు ఇన్ఫినిక్స్.. హాట్ 9, హాట్ 9 ప్రొ పేరిట రెండు నూత‌న స్మార్ట్‌ఫోన్ల‌ను భార‌త్‌లో విడుద‌ల చేసింది. వీటిలో 6.6 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన పంచ్ హోల్ డిస్‌ప్లేను ఏర్పాటు చేశారు. ముందు భాగంలో 8 మెగాపిక్సల్ పంచ్ హోల్ కెమెరా ఉంటుంది. వీటిలో మీడియాటెక్ హీలియో పి22 ప్రాసెస‌ర్‌, 4జీబీ ర్యామ్‌ల‌ను ఏర్పాటు చేశారు. ఆండ్రాయిడ్ 10 ఓఎస్ ఆధారంగా ఇవి ప‌నిచేస్తాయి. హాట్ 9 ఫోన్ వెనుక భాగంలో 13 మెగాపిక్సల్ మెయిన్ కెమెరాను ఏర్పాటు చేయ‌గా.. హాట్ 9 ప్రొ వెనుక భాగంలో 48 మెగాపిక్సల్ మెయిన్ కెమెరాను అమర్చారు. ఇక రెండింటికీ వెనుక భాగంలో అద‌నంగా 2 మెగాపిక్సల్ కెపాసిటీ క‌లిగిన రెండు వేర్వేరు కెమెరాల‌ను అమర్చారు. ఈ ఫోన్ల‌కు వెనుక భాగంలో ఫింగ‌ర్ ప్రింట్ సెన్సార్‌ను ఏర్పాటు చేశారు. ఇవి డెడికేటెడ్ డ్యుయ‌ల్ సిమ్‌, మైక్రో ఎస్‌డీ కార్డు స్లాట్ల‌ను క‌లిగి ఉన్నాయి. 5000 ఎంఏహెచ్ భారీ కెపాసిటీ క‌లిగిన బ్యాట‌రీల‌ను వీటిలో ఏర్పాటు చేశారు.
ఇన్ఫినిక్స్ హాట్ 9, హాట్ 9 ప్రొ స్పెసిఫికేష‌న్లు…
* 6.6 ఇంచ్ హెచ్‌డీ ప్ల‌స్ డిస్‌ప్లే, 1600 x 720 పిక్స‌ల్స్ స్క్రీన్ రిజ‌ల్యూష‌న్
* ఆక్టాకోర్ మీడియాటెక్ హీలియో పి22 ప్రాసెస‌ర్‌, 4జీబీ ర్యామ్
* 64 జీబీ స్టోరేజ్, 256 జీబీ ఎక్స్‌పాండ‌బుల్ స్టోరేజ్
* ఆండ్రాయిడ్ 10, డ్యుయ‌ల్ సిమ్‌
* హాట్ 9 – 13, 2, 2 మెగాపిక్సల్ బ్యాక్ కెమెరాలు
* హాట్ 9 ప్రొ – 48, 2, 2 మెగాపిక్సల్ బ్యాక్ కెమెరాలు
* 8 మెగాపిక్సల్ ఫ్రంట్ కెమెరా, ఫింగ‌ర్ ప్రింట్ సెన్సార్
* డీటీఎస్ హెచ్‌డీ స‌రౌండ్ సౌండ్‌, 4జీ వీవోఎల్‌టీఈ
* బ్లూటూత్ 5.0, 5000 ఎంఏహెచ్ బ్యాటరీ
ఇన్ఫినిక్స్ హాట్ 9 స్మార్ట్‌ఫోన్ ధ‌ర రూ.8499 ఉండ‌గా దీన్ని ఫ్లిప్‌కార్ట్‌లో జూన్ 8వ తేదీ నుంచి విక్ర‌యిస్తారు. హాట్ 9 ప్రొ ఫోన్ ధ‌ర రూ.9499 ఉండ‌గా దీన్ని ఫ్లిప్‌కార్ట్‌లో జూన్ 5 నుంచి విక్ర‌యిస్తారు.
