ఇరాక్‌లో ఘోర అగ్నిప్రమాదం చోటుచేసుకుంది. ఓ పెళ్లి మండపంలో జరిగిన అగ్ని ప్రమాదంలో 100 మంది సజీవదహనమయ్యారు. మరో 150 మంది గాయపడ్డారు. మంటలు చెలరేగగానే హాల్ పాక్షికంగా కుప్పకూలిందని పౌర రక్షణ అధికారులు తెలిపారు. భారీ మంటలకు ధ్వంసమయ్యే నాసిరక మెటీరియల్తో ఈ భవనం నిర్మించినట్లు చెప్పారు. పెళ్లి మండపంలో అగ్నిమాపక పరికరాలు లేకపోవడం వల్లే మంటలు భారీగా వ్యాపించినట్లు స్థానికులు అంటున్నారు.
ఈ ప్రమాదంపై సమాచారం అందుకున్న వెంటనే అగ్నిమాపక సిబ్బంది ఘటనాస్థలికి చేరుకున్నారు. భారీగా మంటలు భారీగా చెలరేగడం వల్ల మృతుల సంఖ్య మరింత పెరిగే అవకాశం ఉన్నట్లు తెలిపారు. రాజధాని బాగ్దాద్కు వాయువ్యంగా 335 కిలోమీటర్ల దూరంలో ఉన్న నినెవే ప్రావిన్స్‌లోని హమ్దానియా ప్రాంతంలో ఈ ప్రమాదం జరిగిందని నినెవే ప్రావిన్స్‌ గవర్నర్ నజిమ్ అల్ జుబౌరీ తెలిపారు.
ఈ ఘటనకు గల కారణాలు ఇంకా తెలియాల్సి ఉంది. పెళ్లి మండపంలో బాణాసంచా భారీగా కాల్చడం వల్ల ఈ ప్రమాదం జరిగి ఉంటుందని కుర్దిష్ టెలివిజన్ ఛానెల్ అనుమానం వ్యక్తం చేసింది.
