రష్యా అధ్యక్షుడు పుతిన్ తో భారత జాతీయ భద్రతా సలహాదారు అజిత్ ఢోబాల్ భేటీ అయినట్లు రష్యాలోని భారత రాయబారి కార్యాలయం వెల్లడించింది. భారత్-రష్యా వ్యూహాత్మక భాగస్వామ్యం కొనసాగించేందుకు కృషి చేయాలని ఇరు దేశాలు తీర్మానించినట్లు తెలిపాయి. అఫ్గానిస్థాన్పై రష్యా నిర్వహించిన ఐదో జాతీయ భద్రతా మండల కార్యాదర్శుల సమావేశం కోసం భారత జాతీయ సలహాదారు అజిత్ ఢోబాల్ గురువారం మాస్కో చేరుకున్నారు. ఈ సందర్భంగా రష్యా అధ్యక్షుడు పుతిన్ను ఆయన కలుసుకున్నారు.
ఆ సమయంలో ఇరుదేశాలకు సంబంధించి ద్వైపాక్షిక, ప్రాంతీయ అంశాలపై విస్తృతంగా చర్చించుకున్నట్లు మాస్కోలోని భారత రాయబారి కార్యాయలం ట్విటర్ ద్వారా తెలిపింది. అఫ్గానిస్థాన్ను ఏ దేశం కూడా ఉగ్రవాద ఎగుమతి దేశంగా ఉపయోగించుకోకూడదని అజిత్ ఢోబాల్ అన్నారు. అఫ్గాన్లో ఉగ్రవాదం పెనుముప్పుగా మారిందని ఆయన తెలిపారు. ప్రస్తుతం అఫ్గాన్ క్షిష్ట పరిస్థితి ఎదుర్కొంటోందని.. దీనికి అన్ని సభ్యదేశాల సహకారం అవసరమని పేర్కొన్నారు.
అఫ్గాన్లోని ప్రజల పరిస్థితి రోజురోజుగా దిగజారుతోందని.. కొంచెం కూడా మెరుగు పడటం లేదని పుతిన్ తెలిపారు. రష్యా నిర్వహించిన ఈ సమావేశానికి భారత్‌తో పాటు ఇరాన్, కజకిస్థాన్, కిర్గిస్థాన్, చైనా, తజికిస్థాన్, తుర్క్‌మెనిస్థాన్, ఉజ్బెకిస్థాన్ దేశాల ప్రతినిధులు హాజరయ్యారు.
