ఈ మధ్య తరచూ విమానా ప్రమాదాలు ప్రయాణికులను ఆందోళనకు గురి చేస్తున్నాయి. తాజాగా ఓ వడగండ్ల వానతో ఓ విమానానికి ఏకంగా రంధ్రం పడింది. ఈ క్రమంలో వెంటనే అత్యవసర ల్యాండింగ్ చేశారు. ఈ ఘటన ఇటలీ రాజధాని రోమ్లో చోటుచేసుకుంది. మిలాన్ నుంచి న్యూయార్క్ జేఎఫ్ కే ఎయిర్ పోర్టుకు బయల్దేరిన విమానం టేకాఫ్ అయిన కొద్దిసేపటికే రోమ్లో అత్యవసరంగా ల్యాండ్ అయ్యింది.
డెల్టా ఎయిర్ లైన్స్కు చెందిన 185 నంబర్ విమానం 215 మంది ప్రయాణికులతో మిలాన్ నుంచి బయల్దేరింది. విమానం గాల్లోకి ఎగిరిన సమయంలో అనుకూలంగానే ఉన్న వాతావరణం.. ఒక్కసారిగా ప్రతికూలంగా మారిపోయింది. విమానం గాల్లోకి ఎగిరిన 15 నిమిషాల్లోనే వడగండ్లు, పిడుగులతో కూడిన భారీ వర్షం కురవడం షురూ అయింది. వడగండ్లు విమానంపై పడటంతో ధ్వంసమై రంధ్రం ఏర్పడింది. అప్రమత్తమైన పైలట్లు వెంటనే విమానాన్ని రోమ్లో అత్యవసర ల్యాండింగ్ చేశారు. విమానానికి రంధ్రం పడిన ఫొటోలు ఇప్పుడు వైరల్ అవుతున్నాయి.
Delta Boeing 767-300 (N189DN) flight #DL185 from Milan to New York JFK encountered hailstorms and severe turbulence after takeoff from Milan Malpensa Airport. The crew decided to divert to Rome Fiumicino. The aircraft received damage to its wings, engines, and radome. pic.twitter.com/2Se7hFpOtS
— Sαƈԋιɳ Kυɱαɾ ʋҽɾɱα (@Imsachin_kv) July 25, 2023
