ప్రముఖ సోషల్ నెట్వర్కింగ్ బ్లాగ్ ట్విటర్కు అనూహ్య వ్యక్తుల నుంచి ప్రశంసలు లభించాయి. అఫ్గానిస్థాన్‌ను పాలిస్తున్న తాలిబన్లు ట్విటర్పై ప్రశంసల జల్లు కురిపించారు. వాక్‌ స్వేచ్ఛ, విశ్వసనీయత విషయంలో ఇతర సామాజిక మాధ్యమాల కంటే ట్విటర్ ముందుందని తెగ పొగిడేశారు . తాలిబన్లలోనే అత్యంత క్రూరమైన వర్గంగా పేరున్న హక్కానీ నెట్‌వర్క్‌ అధినేత అనస్‌ హక్కానీ ఈ విషయాన్ని పేర్కొన్నారు.
‘‘ఇతర సోషల్ మీడియా వేదికలతో పోలిస్తే ట్విటర్ రెండు అంశాల్లో ముందుంది. వీటిల్లో మొదటిది వాక్‌ స్వేచ్ఛ. రెండో అంశం పారదర్శకత.. విశ్వసనీయత. మెటా మాదిరిగా అసహనపు విధానాలను పాటించదు. ట్విటర్‌ను మరో వేదిక భర్తీ చేయలేదు’’ అని అనస్‌ హక్కానీ ట్విట్‌ చేశారు.
Twitter has two important advantages over other social media platforms.
The first privilege is the freedom of speech. The second privilege is the public nature & credibility of Twitter. Twitter doesn't have an intolerant policy like Meta. Other platforms cannot replace it. pic.twitter.com/oYQTI3hgfI— Anas Haqqani(انس حقاني) (@AnasHaqqani313) July 10, 2023
మరోవైపు ట్విటర్కు పోటీగా ఇటీవలే మెటా థ్రెడ్స్‌ యాప్‌ను తీసుకువచ్చిన సంగతి తెలిసిందే. దాదాపు వారం రోజుల్లోనే థ్రెడ్స్‌ 10 కోట్ల లాగిన్లను సొంతం చేసుకొంది. తమ మేధో హక్కులను వాడుకొని ఈ యాప్‌ చేశారని మస్క్‌ నుంచి విమర్శలు కూడా వచ్చాయి.
