మనం యవ్వనంగా ఉండాలంటే కేవలం పైన పూసుకునే క్రీములు, ఫేస్ వాష్లు సరిపోవని శాస్త్రవేత్తలు చెబుతున్నారు. అసలు రహస్యం మన కడుపులో, ముఖ్యంగా మన పేగుల్లో దాగి ఉందట! అక్కడ నివసించే కోట్లాది సూక్ష్మజీవులు (గట్ మైక్రోబ్స్) మన ముఖం మీది మెరుపును, మన ఆలోచనల వేగాన్ని డిసైడ్ చేస్తాయి. వీటిని సరిగ్గా మేనేజ్ చేస్తే ముసలితనాన్ని వాయిదా వేయవచ్చని వస్తున్న కొత్త పరిశోధనలు ఇప్పుడు ప్రపంచవ్యాప్తంగా హాట్ టాపిక్ అయ్యాయి. అవేంటో చూద్దాం!
పేగులే మన శరీరానికి అసలైన రిమోట్ కంట్రోల్:మన పేగుల్లో ఉండే బ్యాక్టీరియాను ‘గట్ మైక్రోబయోమ్’ అంటారు. ఇవి కేవలం మనం తిన్న ఆహారాన్ని అరిగించడమే కాదు, మన రోగనిరోధక శక్తిని (Immunity) కూడా నియంత్రిస్తాయి. ఆరోగ్యకరమైన బ్యాక్టీరియా ఎక్కువగా ఉంటే, అవి మన కణాల ముసలితనాన్ని ఆపుతాయి. ఒక రకంగా చెప్పాలంటే, మన పేగులు ఎంత క్లీన్గా, హెల్తీగా ఉంటే.. మన చర్మం అంత కాంతివంతంగా ఉంటుంది. అందుకే ఇప్పుడు డాక్టర్లు “నువ్వు ఏం తింటున్నావో, అదే నీ వయసును చెప్తుంది” అని గట్టిగా నమ్ముతున్నారు.
మూడ్ బాగుండాలా? అయితే గట్ హెల్త్ చూసుకోండి!: మనకు కోపం వచ్చినా, ఆనందం వేసినా దానికి కారణం మెదడు మాత్రమే కాదు, మన పేగులు కూడా, ‘సెరోటోనిన్’ అనే హ్యాపీ హార్మోన్ దాదాపు 90% మన పేగుల్లోనే తయారవుతుంది. ఎప్పుడైతే మన గట్ హెల్త్ దెబ్బతింటుందో, అప్పుడు ఒత్తిడి ఆందోళన పెరుగుతాయి. దీనివల్ల ముఖం మీద ముడతలు రావడం జుట్టు రాలడం వంటి సమస్యలు మొదలవుతాయి. అందుకే యవ్వనంగా ఉండాలనుకునే వారు మానసిక ప్రశాంతత కోసం తమ జీర్ణక్రియను మెరుగుపరుచుకోవడంపై ఇప్పుడు దృష్టి పెడుతున్నారు.
డైట్లో మార్పులతోనే నిత్య యవ్వనం సాధ్యం: మరి ఈ బ్యాక్టీరియాను ఎలా పెంచాలి? దీనికోసం మనం రోజూ తినే ఆహారంలో చిన్న మార్పులు చేస్తే చాలు. ఇంట్లో తయారుచేసిన పెరుగు, మజ్జిగ, పులియబెట్టిన ఆహార పదార్థాల్లో (Probiotics) ఈ మంచి బ్యాక్టీరియా పుష్కలంగా ఉంటుంది. అలాగే పీచు పదార్థం ఎక్కువగా ఉండే ఆకుకూరలు, పండ్లు తింటే అవి ఈ బ్యాక్టీరియాకు ఆహారంగా పనిచేస్తాయి. జంక్ ఫుడ్, పంచదారను తగ్గిస్తే మీ పేగుల్లోని యూత్ ఆర్మీ బలంగా మారుతుంది. ఇది మిమ్మల్ని లోపలి నుండి ఆరోగ్యంగా, బయటకి అందంగా ఉంచుతుంది.
చివరికి తేలిందేంటంటే.. మన ఆరోగ్యం మరియు యవ్వనం మన చేతుల్లోనే కాదు, మన పేగుల్లో కూడా ఉంది. ఖరీదైన యాంటీ ఏజింగ్ ట్రీట్మెంట్స్ కంటే, మన ఇంట్లోని పాతకాలపు ఆహారపు అలవాట్లే మేలని సైన్స్ కూడా ఒప్పుకుంటోంది. కాబట్టి, మీ గట్ (పేగుల) ఆరోగ్యాన్ని కాపాడుకోండి.. వయసును వెనక్కి నెట్టండి..
