ఏపీ రాజకీయాలపై మాజీ సిఎస్ ఐవైఆర్ కృష్ణారావు సంచలన వ్యాఖ్యలు చేశారు. పవన్ కళ్యాణ్ ను హైలేట్‌ చేస్తూ.. ఈ వ్యాఖ్యలు చేయడం గమనార్హం. ఏపీలో బిజెపి, జనసేన పార్టీ కలిసి చిత్తశుద్ధితో సమన్వయంతో కృషి చేస్తే ఆంధ్రప్రదేశ్ రాష్ట్ర ఎన్నికల్లో తప్పకుండా హాంగ్ వస్తుందని జోస్యం చెప్పారు. పవన్ కళ్యాణ్ కు హాంగ్ అసెంబ్లీ సువర్ణ అవకాశాలు కలుగ చేయొచ్చని వ్యాఖ్యానించారు.
రెండు పార్టీలు కలిసి ముందుకు సాగాలని అభిప్రాయాన్ని కృష్ణరావు చెప్పుకొచ్చారు. హాంగ్ అసెంబ్లీ ఖాయం అంటూ దీమాను వ్యక్తం చేశారు. జనసేన అధినేత బిజెపితో పొత్తుపై రెండు రోజుల క్రితం కీలక వ్యాఖ్యలు చేసిన సంగతి తెలిసిందే. బిజెపితో పొత్తు ఉన్న సరే ఎక్కడో బలంగా పని చేయలేదన్న భావన కనపడుతోందని వ్యాఖ్యానించారు.
ఆ విషయం రాష్ట్ర బిజెపి నాయకత్వానికి కూడా తెలుసని తమకు తెలుసన్నారు. తాను రోడ్డు మ్యాప్ అడిగింది కేవలం బిజెపితో కలిసి వెళ్లడానికే కానీ, వారు రోడ్ మ్యాప్ ఇవ్వకపోతే తనకు కాలం గడిచిపోతోందని ఘాటు వ్యాఖ్యలు చేశారు. తాను పదవుల కోసం ఆరాటపడనని, రాష్ట్రంలో రౌడీలు రాజ్యాలు ఏలుతుంటే, గూండాలు గదమాయిస్తుంటే ప్రజలను రక్షించుకోవడానికి తన వ్యూహాలను కూడా మార్చుకోవాల్సి వస్తుంది అన్నారు.
