సూపర్ స్టార్ రజినీ కాంత్ లేటెస్ట్ గా నటిస్తున్న చిత్రం “జైలర్”.. యంగ్ డైరెక్టర్ నెల్సన్ దిలీప్ కుమార్ ఈ చిత్రాన్ని ఎంతో ప్రతిష్టాత్మకంగా తీసుకుని తెరకెక్కిస్తున్నారు. ఈయన తీసిన గత చిత్రం విజయ్ తో బీస్ట్ చాలా నిరాశను మిగిల్చింది. దీనితో చాలా భయం మరియు బాధ్యతతో ఈ సినిమాను చేస్తున్నాడు. ఈ సినిమా నుండి ఒక కొత్త అప్డేట్ తాజాగా వచ్చింది. ఈ సినిమా నుండి మొదటి సాంగ్ ను రేపు సాయంత్రం 6 గంటలకు విడుదల చేయడానికి మేకర్స్ ప్లాన్ చేశారు. తమన్నా ఆడిపాడనున్న “కావాలా” అంటూ సాగే ఈ సాంగ్ కోసం రజినీ కాంత్ అభిమానులు ఎంతగానో ఎదురుచూస్తున్నారు. ఈ సినిమాలో రజినీకాంత్, తమన్నా లతో పాటుగా రమ్యకృష్ణ, మోహన్ లాల్ లు కీలక పాత్రలలో నటిస్తున్నారు. అన్నీ అనుకున్నట్లు పర్ఫెక్ట్ గా జరిగితే ఈ సినిమాను ఆగష్టు 10వ తేదీన ప్రేక్షకుల ముందుకు తీసుకురానున్నారు.
