పాత బస్తీ వాసులకు కేసీఆర్‌ సర్కార్‌ శుభవార్త చెప్పింది. త్వరలోనే పాతబస్తీకి మెట్రో రైలు రానుంది. విశ్వనగరంగా రూపుదిద్దుకుంటున్న హైదరాబాద్ మహానగర అభివృద్ధికి తమ ప్రభుత్వం పెద్దపీట వేస్తుందని ఆర్థిక మంత్రి హరీష్ రావు అన్నారు.
2023-24 ఆర్థిక సంవత్సరానికి గాను మొత్తం 2,90,396 కోట్లతో ఆయన శాసనసభలో బడ్జెట్ ను ప్రవేశపెట్టారు. నగరాభివృద్ధికి తీసుకోవాల్సిన అన్ని చర్యలు తీసుకుంటున్నామని చెప్పారు. ఈ సందర్భంగా నగరవాసులకు గుడ్ న్యూస్ చెప్పారు. బడ్జెట్ లో హైదరాబాద్ మెట్రో రైలుకు రూ.1500 కోట్లు, పాత బస్తీ మెట్రోకు రూ.500 కోట్లు కేటాయింపులు చేశారు. శంషాబాద్ విమానాశ్రయం మెట్రోకు మరో రూ. 500 కోట్లు కేటాయించారు.
