ప్రస్తుతం సక్సెస్ఫుల్ దర్శకుడు కొరటాల దర్శకత్వంలో ఆచార్య సినిమాలో నటిస్తున్న మెగాస్టార్ చిరంజీవి వరుసగా కన్నడ తమిళ తెలుగు రీమేక్ సినిమాలలో నటించేందుకు సిద్ధం అవుతున్న విషయం తెలిసిందే. మొన్నటికి మొన్న మోహన్ లాల్ హీరోగా నటించిన లూసిఫర్ సినిమాను తెలుగులో రీమేక్ చేసేందుకు సిద్ధమైన మెగాస్టార్ చిరంజీవి తమిళ హీరో అజిత్ హీరోగా నటించిన వేదాలం సినిమాను కూడా తెలుగులో రీమేక్ చేసేందుకు సిద్ధమైనట్లు తెలుస్తోంది. ఇక ఈ సినిమాను మెహర్ రమేష్ తెరకెక్కించనున్నారట. అయితే ఈ సినిమాలో మెగాస్టార్ చిరు చెల్లెలు పాత్ర ఎంతో కీలకంగా మారుతున్నట్లు తెలుస్తోంది.
ఇక ఈ పాత్ర కోసం ఒక యువ హీరోయిన్ ను తీసుకోవాలని చిత్రబృందం భావిస్తోందట. అయితే ముందుగా ఈ సినిమాలో చిరంజీవి చెల్లెలి పాత్ర కోసం సాయి పల్లవి సంప్రదించగా ఈ పాత్రకు సాయి పల్లవి నో చెప్పిందట. దీంతో చిరంజీవి చెల్లెలు పాత్ర కోసం కీర్తి సురేష్ అయితే సరిగ్గా సరిపోతుందని చిత్రబృందం భావిస్తోందట. దీంతో ప్రస్తుతం ఈ పాత్ర కోసం చిత్రబృందం కీర్తి సురేష్ తో చర్చలు జరుపుతున్నట్లు తెలుస్తోంది. దీనిపై అధికారిక ప్రకటన రావాల్సి ఉంది.
