రాష్ట్ర మంత్రి కేటీఆర్ సోషల్ మీడియాలో చాలా యాక్టివ్గా ఉంటారన్న విషయం తెలిసిందే. సామాజిక అంశాలు, ప్రతిపక్ష నాయకులపై విమర్శలు, కేంద్రంపై విరుచుకు పడుతూ తరచూ కేటీఆర్ ట్వీట్లు చేస్తుంటారు. తాజాగా మరోసారి ట్విటర్ వేదికగా ప్రతిపక్ష నాయకులపై మండిపడ్డారు.
తెలంగాణలో ప్రతిపక్ష నాయకులకు ఉన్న ఊహగానాలతో తప్పకుండా వారు మంచి రచయితలుగా పనికొస్తారని మంత్రి కేటిఆర్‌ ట్వీట్ చేశారు. కొవిడ్‌ డ్రగ్‌ కాంట్రాక్ట్‌ విషయంలో కేటిఆర్‌ మేనల్లుడు 10వేల కోట్లు తీసుకున్నారని….గ్రూప్‌ 1 పరీక్షల్లో కేటిఆర్‌ పీఏ సంబంధీకులకు అత్యుత్తమ మార్కులు వచ్చాయని రేవంత్ రెడ్డి అన్న మాటలపై కేటిఆర్‌ స్పందించారు.
రేవంత్ రెడ్డికి పూర్తిగా మతిపోయింది అంటూ ట్వీట్ చేశారు. ప్రస్తుతం ఈ ట్వీట్ నెట్టింట వైరల్గా మారింది. ఈ ట్వీట్కు నెటిజన్లు రకరకాలుగా స్పందిస్తున్నారు. కొందరు కేటీఆర్ను సపోర్ట్ చేస్తుంటే.. మరికొందరు రేవంత్కు మద్దతిస్తున్నారు.
He has clearly lost his marbles 😃
I do feel that the opposition leaders in Telangana will make great Novelists with their imagination running wild
Wish them the best 👍 https://t.co/ixFyyxuQyj
— KTR (@KTRBRS) March 20, 2023
