తాజాగా ఈ తరహా సంఘటనే ఉత్తరప్రదేశ్ రాష్ట్రంలో చోటు చేసుకుంది. రెండు వేలకు జీవితాన్ని నాశనం చేసుకున్నాడు. వివరాల్లోకి వెళితే ఉత్తరప్రదేశ్ లోని జైన్‌పూర్‌లోని బీబీగంజ్ బజార్‌లో నివాసం ఉండే సుభాష్ యాదవ్ ట్రాక్టర్ నడుపుకుని కుటుంబాన్ని పోషిస్తూ ఉంటాడు. మొదటి భార్యకు నలుగురూ కుమార్తెలు పుట్టడంతో వంశం అర్ధంతరంగా ఆగిపోవద్దని భావించి… రెండో వివాహం చేసుకున్నాడు అతను… ప్రస్తుతం అతని భార్య గర్భవతిగా ఉంది… అది అలా ఉంటే అతను తన స్నేహితుల వద్ద 50 కోడి గుడ్లు తింటాను అని పందెం కట్టాడు.
దీనికి అతని స్నేహితులు కూడా ఒప్పుకుని… ఒక ఫుల్ బాటిల్ మద్యం తాగడంతో పాటుగా 50 కోడి గుడ్లు తినాలి అని పందెం పెట్టారు. దీనికి అంగీకరించిన సుభాష్… తినడం మొదలుపెట్టగా 41 గుడ్లు తిని 42 గుడ్డు నోట్లో పెట్టాడో లేదో స్పృహ తప్పి కింద పడిపోయాడు. వెంటనే గమనించిన అతని స్నేహితులు అతనిని ప్రభుత్వ ఆస్పత్రికి తీసుకువెళ్లగా లాభం లేదని చెప్పడంతో లక్నోలో ఉన్న సంజయ్ గాంధీ ఆసుపత్రికి తీసుకువెళ్లగా అతను ప్రాణాలు కోల్పోయాడు. దీనితో అతని నలుగురు కుమార్తెలు, ఇద్దరు భార్యలు అనాథలుగా మారిపోయారు.
