మనం బిర్యానీ వండేటప్పుడు కేవలం సువాసన కోసం వాడే ఆకులో ఇన్ని దాగి ఉన్నాయా అని ఆశ్చర్యం కలగక మానదు. సాధారణంగా వయసు పెరిగేకొద్దీ డయాబెటిస్ మనల్ని భయపెడుతుంటుంది. అయితే మన వంటింట్లో ఉండే ‘బిర్యానీ ఆకు’ (Bay Leaf) కేవలం మసాలా దినుసు మాత్రమే కాదు, అద్భుతమైన ఔషధం కూడా.రక్తంలో చక్కెర స్థాయిలను అదుపులో ఉంచడంలో ఇది కీలక పాత్ర పోషిస్తుందని పరిశోధనలు చెబుతున్నాయి.
ఈ టీ షుగర్ని ఎలా తగ్గిస్తుంది: బిర్యానీ ఆకులలో ఉండే పాలీఫెనాల్స్ ఇన్సులిన్ సెన్సిటివిటీని పెంచుతాయి. అంటే, మీ శరీరం ఇన్సులిన్ను సమర్థవంతంగా వాడుకునేలా చేస్తాయి. దీనివల్ల రక్తంలోని గ్లూకోజ్ కణాలకు చేరుతుంది తద్వారా షుగర్ లెవల్స్ తగ్గుతాయి. అలాగే, ఇది శరీరంలోని చెడు కొలెస్ట్రాల్ను తగ్గించి గుండెను కూడా పదిలంగా ఉంచుతుంది.
టీ ఎలా తయారు చేయాలి?: రెండు లేదా మూడు ఎండిన బిర్యానీ ఆకులను తీసుకోండి. ఒక గ్లాసు నీటిలో ఈ ఆకులు వేసి, ఒక చిన్న దాల్చిన చెక్క ముక్క జత చేయండి. నీరు సగం అయ్యే వరకు బాగా మరిగించండి. ఆ తర్వాత వడకట్టి, గోరువెచ్చగా ఉన్నప్పుడు తాగండి.
ఎప్పుడు తాగితే మంచిది?: ఉదయం పరగడుపున (ఖాళీ కడుపుతో) ఈ టీ తాగడం వల్ల రోజంతా రక్తంలో చక్కెర స్థాయిలు స్థిరంగా ఉంటాయి. ఒకవేళ ఉదయం కుదరకపోతే, రాత్రి పడుకునే ముందు తాగినా మంచి ఫలితం ఉంటుంది. రోజుకు ఒక కప్పు మించకుండా తీసుకోవడం ఉత్తమం.
ప్రకృతి ప్రసాదించిన ఈ చిన్న ఆకుతో షుగర్ను నియంత్రించడం సులభమే. అయితే, కేవలం టీ తాగితేనే సరిపోదు. దీనితో పాటు సరైన ఆహారం అరగంట నడక తోడైతే మీ ఆరోగ్యం మీ చేతుల్లోనే ఉంటుంది.
గమనిక: ఇది కేవలం సమాచారం కోసం మాత్రమే. మీకు ఇప్పటికే షుగర్ ఉండి మందులు వాడుతున్నట్లయితే, ఈ టీని మీ దినచర్యలో చేర్చుకునే ముందు తప్పనిసరిగా మీ డాక్టర్ను సంప్రదించండి.
