స్నేహం అంటే ప్రాణం ఇచ్చేయడం అనుకుంటాం కానీ, ఒక్కోసారి మన ప్రవర్తనే మనకు తెలియకుండా ఎదుటివారికి భారం అవుతుంటుంది. “నేను నా స్నేహితుడి మంచే కోరుకుంటున్నాను కదా” అని మనం అనుకోవచ్చు, కానీ మన అతి జోక్యం లేదా మన మాటలు వారిని మానసికంగా కృంగదీయవచ్చు. అవతలి వ్యక్తి మన వల్ల ఇబ్బంది పడుతున్నాడంటే, మనం ఒక ‘టాక్సిక్ ఫ్రెండ్’గా మారుతున్నామని అర్థం. మనలో ఆ లక్షణాలు ఉన్నాయేమో ఒక్కసారి చెక్ చేసుకుందాం రండి.
ఈ లక్షణాలు మీలో ఉన్నాయా?: మనం టాక్సిక్ ఫ్రెండ్ అవుతున్నామో లేదో తెలుసుకోవడానికి కొన్ని చిన్న చిన్న సంకేతాలు తెలుసుకోవటం ముఖ్యం. మన ఫ్రెండ్స్ తో మనం ఎలా వుంటున్నామో తెలుసుకోవాలి.
అతిగా నియంత్రించడం: మీ స్నేహితుడు ఎవరితో మాట్లాడాలి, ఏం చేయాలి అనేది మీరే నిర్ణయించాలని అనుకోవడం తప్పు ఆలా మీరు ఉంటే ఆ ఆలోచన మానుకోవాలి.
ఎప్పుడూ మీ గురించే: ఇక సంభాషణలో ఎప్పుడూ మీ సమస్యలు, మీ విజయాల గురించే మాట్లాడటం, అవతలి వారి మాట వినకపోవడం. లాంటి లక్షణాలు ఉంటే వాటిని వదిలేయాలి.
చిన్నచూపు చూడటం: జోక్ పేరుతో అందరి ముందు వారిని వెక్కిరించడం లేదా వారి ఆశయాలను తక్కువ చేసి మాట్లాడటం మానేయండి.
అసూయ పడటం: వారు ఏదైనా సాధించినప్పుడు మనస్ఫూర్తిగా అభినందించలేకపోవడం.
మార్పు మీతోనే మొదలవ్వాలి. ఒకవేళ పైన చెప్పిన లక్షణాలు మీలో ఉన్నాయని అనిపిస్తే, కంగారు పడక్కర్లేదు. మార్చుకోవడానికి ఇవి కొన్ని మార్గాలు
వినడం నేర్చుకోండి: స్నేహితుడు ఏదైనా చెబుతున్నప్పుడు మధ్యలో అడ్డుపడకుండా పూర్తిగా వినండి. వారికి సలహా కంటే ఓదార్పు అవసరం కావచ్చు.
ప్రైవసీని గౌరవించండి: స్నేహితులైనా సరే, ప్రతి ఒక్కరికీ కొంత వ్యక్తిగత స్పేస్ ఉంటుంది. వారి ఫోన్లు చెక్ చేయడం లేదా ప్రతి విషయాన్ని నిలదీయడం మానేయాలి.
నిజాయితీగా ఉండండి: మీ ప్రవర్తన వల్ల వారు ఇబ్బంది పడితే, మొహమాటం లేకుండా క్షమాపణ చెప్పండి. అది మీ స్నేహాన్ని మరింత బలపరుస్తుంది. స్నేహం అనేది ఇద్దరి మధ్య ఉండే ఒక అందమైన వంతెన. ఒకరు మాత్రమే లాగుతూ ఉంటే అది తెగిపోతుంది. అవతలి వ్యక్తి ఎదుగుదలను చూసి సంతోషించడం, కష్టాల్లో తోడుండటం మాత్రమే కాదు.. వారి వ్యక్తిత్వాన్ని గౌరవించడం కూడా స్నేహమే.
