ఫేస్బుక్ అధినేత మార్క్ జుకర్బర్గ్ సంపద 100 బిలియన్ డాలర్లు దాటింది. అమెరికా స్టాక్ మార్కెట్లో ఫేస్బుక్ షేర్లు భారీగా లాభపడటం వల్ల మార్క్ సంపద ఈ స్థాయికి చేరింది. దీనితో ఇప్పటి వరకు 100 బిలియన్ డాలర్ల సంపద మార్క్ దాటిన జెఫ్ బెజోస్, బిల్గేట్స్ సరసన చేరారు జుకర్బర్గ్. మార్క్ జుకర్బర్గ్ సంపద ఆయనకు ఫేస్బుక్లో ఉన్న 13 శాతం వాటా ద్వారానే అధికంగా పెరిగినట్లు బ్లూమ్బర్గ్ బిలియనీర్స్ ఇండెక్స్ నివేదిక పేర్కొంది.
టిక్ టాక్కు పోటీగా ఇన్స్టాగ్రామ్లో రీల్స్ ఫీచర్ను అందుబాటులోకి తెచ్చింది ఫేస్బుక్. ఇప్పటికే భారత్లో నిషేధం ఎదుర్కొంటున్న టిక్టాక్పై అమెరికాలోనూ ప్రభుత్వం నుంచి ఆంక్షలు ఎదుర్కొనే అవకాశాలు కనిపిస్తున్నాయి. ఈ సమయంలో టిక్టాక్కు ఉన్న మార్కెట్ను రీల్స్ దక్కించుకోగలుగుతుందనే అంచనాలతో ఫేస్బుక్ షేర్లు భారీగా పెరిగాయి. ఫలితంగా మార్క్ జుకర్బర్గ్ సంపద కూడా ఈ స్థాయికి చేరింది. కరోనాతో నెలకొన్న పరిస్థితులతో ప్రపంచమంతా సంక్షోభం నెలకొంది. ఇలాంటి సమయాల్లోనూ.. అమెరికా టెక్ దిగ్గజాల అధినేతల సంపద భారీగా పెరిగింది. ఈ ఏడాది ఇప్పటి వరకు జుకర్బర్గ్ సంపద 22 బిలియన్ డాలర్లు పెరగ్గా.. అమెజాన్ అధినేత జెఫ్ బెజోస్ సంపద 75 బిలియన్ డాలర్లు వృద్ధి చెందింది
