నిరుద్యోగులకు అలెర్ట్.. ఆ పోస్టులకు దరఖాస్తులు రేపటి నుంచే ప్రారంభం

దేశవ్యాప్తంగా నిరుద్యోగ అభ్యర్థులకు సువర్ణ అవకాశం అనే చెప్పాలి. ముఖ్యంగా ఇండియన్ నేవీలో అగ్నీవీర్, అగ్నివీర్ ఎస్ఎస్ఆర్, అగ్నివీర్ ఎస్ఎస్ఆర్ మెడికల్ పోస్టుల భర్తీకి నోటిఫికేషన్ వెలువడింది. ఆసక్తి, అర్హత గల అభ్యర్థులు రేపటి నుంచి అనగా మార్చి 29 నుంచి వచ్చే నెల ఏప్రిల్ 10వ తేదీ వరకు దరఖాస్తు చేసుకోవచ్చు.

అగ్నీవీరులుగా ఎంపికైన అభ్యర్థులకు INS చిల్కాలో సెప్టెంబర్ 02, 2025, ఫిబ్రవరి 01, 2026, జులై 02, 2026 బ్యాచ్ లలో శిక్షణ ఉంటుంది. శిక్షణ పూర్తి చేసుకున్న అభ్యర్థులు నాలుగేళ్ల పాటు విధులు నిర్వహించాల్సి ఉంటుంది. ఈ పోస్టులకు దరఖాస్తు చేసుకునే అభ్యర్థులు అధికారికి వెబ్ సైట్ www.joinindiannavy.gov.in ను సందర్శించండి. అప్లికేషన్ కి రూ.550 ఫీజు చెల్లించాల్సి ఉంటుంది. అగ్నీవీర్ కు పదోతరగతి అర్హత కలిగి ఉండాలి. అగ్నివీర్ కు ఇంటర్ లో మ్యాథ్స్, ఫిజిక్స్, కెమిస్ట్రీ చదివి ఉండాలి. అగ్నీవీర్ మెడికల్ కు ఇంటర్ లో బయాలజీ, ఫిజిక్స్, కెమిస్ట్రీ చదివి ఉండాలి. ఇంటర్ లో కనీసం 50 శాతం మార్కులు సాధించి ఉండాలి. కంప్యూటర్ ఆధారిత ఆన్ లైన్ పరీక్ష, రాత పరీక్ష, ఫిజికల్ ఈవెంట్లు, మెడికల్ టెస్ట్ ఆధారంగా ఎంపిక నిర్వహిస్తారు.