కువైట్‌లో భారతీయ కార్మికులు నివాసముండే అపార్ట్‌మెంట్‌లో జరిగిన ఘోర అగ్నిప్రమాదం జరగడంతో 49 మంది మరణించిన విషయం తెలిసిందే. మృతుల్లో 42 మంది భారతీయులే ఉన్నారు. ఈ నేపథ్యంలో ఈ ఘటనపై ప్రధాని నరేంద్ర మోదీ బుధవారం రాత్రి సమీక్ష నిర్వహించారు. ప్రమాద ఘటనపై తీవ్ర దిగ్భ్రాంతి వ్యక్తం చేస్తూ మృతుల కుటుంబాలకు రూ.2 లక్షల ఎక్స్గ్రేషియా ప్రకటించారు. గాయపడిన వారికి రూ.50,000 ఆర్థిక సహాయాన్ని అందిస్తున్నట్లు వెల్లడించారు.
మరోవైపు అక్కడప్రస్తుత పరిస్థితుల గురించి కువైట్ అధ్యక్షుడు అబ్దుల్లా అలీ అల్ యహ్యతో ఫోన్లో మాట్లాడినట్లు విదేశాంగ శాఖ మంత్రి జైశంకర్ తెలిపారు. కువైట్ అధికారులు ఎలాంటి చర్యలు తీసుకుంటున్నారో అడిగి తెలుసుకున్నానని చెప్పారు. ఈ ఘటనపై పూర్తి విచారణ జరిపే బాధ్యత తనదేనని కువైట్ అధ్యక్షుడు హామీ ఇచ్చారని వెల్లడించారు. గాయపడిన వారికి అవసరమైన వైద్యం సహాయం అందుతుందని.. మృతదేహాలను త్వరలోనే ఇండియాకు పంపించాలని కోరినట్లు జైశంకర్ ఎక్స్ వేదికగా తెలిపారు.
