ఒక్కసారిగా కుప్పకూలిన పార్కింగ్​ ఏరియా.. వీడియో వైరల్

పంజాబ్​ మొహాలిలోని ఓ పారిశ్రామిక ప్రాంతంలో ఒక్కసారిగా ప్రమాదం జరిగింది. ఒక్కసారిగా అక్కడి పార్కింగ్​ స్థలం కుప్పకూలింది. ఈ ఘటనతో పార్కింగ్ లాట్​లో ఉన్న వాహనాలన్నీ గుంతలో పడిపోయాయి. ఈ ప్రమాదంతో ఆ ప్రాంతంలో భారీ గుంత ఏర్పడింది. సుమారు పది బైక్​లు, రెండు కార్లు ధ్వంసమయ్యాయి. ఇండస్ట్రీయల్​ ఏరియా, సెక్టార్ 83లో.. బుధవారం ఈ ఘటన జరిగింది.

ప్రమాద స్థలాన్ని జిల్లా ఉన్నతాధికారులు సందర్శించి వివరాలు సేకరించారు. కుప్పకూలిన పార్కింగ్​ స్థలం పక్కనే.. భవన నిర్మాణం కోసం తవ్వకాలు జరుగుతున్నాయని పోలీసులు తెలిపారు. ఆ భవనానికి బేస్‌మెంట్ తవ్వుతుండగా ఈ ఘటన జరిగినట్లు వారు వివరించారు. ప్రమాదంలో ఎవ్వరికీ ఎలాంటి గాయాలు కాలేదని వెల్లడించారు. దీనిపై కేసు నమోదు చేసుకున్నామని తెలిపిన పోలీసులు.. పూర్తి స్థాయిలో విచారణ జరుపుతామని చెప్పారు. చుట్టుపక్కల ఉన్న సీసీటీవీలను పరిశీలిస్తున్నట్లు వెల్లడించారు. ఈ క్రమంలో పార్కింగ్ స్థలం కుప్పకూలిన వీడియో ప్రస్తుతం సోషల్ మీడియాలో బాగా వైరల్ అవుతోంది.