కాంగ్రెస్ అగ్ర నేత, లోక్‌సభ ప్రతిపక్ష నేత రాహుల్ గాంధీ మరోసారి అమెరికాలో పర్యటించనున్నారు. వచ్చే వారం ఆయన అగ్రరాజ్యానికి వెళ్లనున్నారు. రెండు రోజుల పాటు యూఎస్ లోనే పర్యటిస్తారని కాంగ్రెస్ ప్రచార విభాగం అధిపతి పవన్ ఖేరా వెల్లడించారు. ఏప్రిల్ 21, 22వ తేదీల్లో రోడ్ ఐలాండ్‌లోని బ్రౌన్ విశ్వవిద్యాలయంలో రాహుల్ ప్రసంగించనున్నట్లు తెలిపారు. ఆ తర్వాత అధ్యాపకులు, విద్యార్థులతో సంభాషించనున్నట్లు వెల్లడించనున్నారు.
ఈ పర్యటనలో భాగంగా రాహుల్ గాంధీ ఎన్నారైలు, పార్టీ విదేశీ యూనిట్ సభ్యులను కూడా కలవనున్నారు. నేషనల్ హెరాల్డ్ కేసును ఢిల్లీ ప్రత్యేక కోర్టు విచారించడానికి కొన్ని రోజుల ముందు రాహుల్ గాంధీ అమెరికా పర్యటనకు వెళ్తుండటం ఇప్పుడు చర్చనీయాంశమవుతోంది. ఈ కేసులో రాహుల్ బావ, ప్రియాంకా గాంధీ భర్త రాబర్ట్ వాద్రా ఈడీ విచారణ ఎదుర్కొంటున్న విషయం తెలిసిందే. మనీలాండరింగ్ కేసులో 3 రోజుల నుంచి వాద్రాను అధికారులు విచారిస్తున్నారు. అయితే రాజకీయ కక్షతోనే తనపై తప్పుడు ఆరోపణలు చేస్తున్నారని రాబర్ట్ వాద్రా ఆరోపించారు.
