ఒడిశా రైలు ప్రమాదం యావత్ దేశాన్ని తీవ్ర విషాదంలోకి ముంచిన విషయం తెలిసిందే. ఆ ప్రమాదాన్ని మరిచిపోకముందే ఒడిశాలోనే మరో రెెండు రైలు ప్రమాదాలు జరిగాయి. కానీ ఈ రెండు ప్రమాదాల్లో ప్రాణ నష్టం సంభవించకపోవడంతో అధికారులు ఊపిరి పీల్చుకున్నారు. ఇప్పుడు తాజాగా మరోచోట మరో రైలుకు పెను ప్రమాదం తప్పింది.
ఝార్ఖండ్లో ఓ రైలుకు పెను ప్రమాదం నుంచి త్రుటిలో తప్పింది. రైల్వే క్రాసింగ్ గేట్ను దాటుతున్న ఓ ట్రాక్టర్ను.. అదే సమయంలో వచ్చిన రాజధాని ఎక్స్ప్రెస్ ఢీ కొట్టింది. దూరం నుంచే ట్రాక్టర్ను గమనించిన లోకోపైలట్ వెంటనే అప్రమత్తమై సడెన్ బ్రేకులు వేశారు. లోకోపైలెట్ అప్రమత్తతో పెను ప్రమాదం తప్పడం వల్ల ప్రయాణికులు ఊపిరి పీల్చుకున్నారు.
బొకారో జిల్లాలోని భోజుడి స్టేషన్ సమీపంలో ఉన్న సంతాల్దియా రైల్వే క్రాసింగ్ వద్ద ఈ ఘటన జరిగింది. మంగళవారం సాయంత్రం ఈ ప్రమాదం జరిగినట్లు అధికారులు తెలిపారు. ఇలా వరుసగా రైలు ప్రమాదాలు జరుగుతుండటంతో ప్రజలు ఆందోళనకు గురవుతున్నారు.
