హైకోర్టు న్యాయమూర్తులను బదిలీ చేస్తూ సుప్రీంకోర్టు కొలీజియం తాజాగా నిర్ణయం తీసుకుంది. మొత్తం ఏడుగురు జడ్జిలను బదిలీ చేయగా.. అందులో నలుగురు కర్ణాటక, ఇద్దరు తెలంగాణ, ఒకరు ఏపీ హైకోర్టుకు చెందిన న్యాయమూర్తి ఉన్నారు. ఈ మేరకు సర్వోన్నత న్యాయస్థానం ప్రధాన న్యాయమూర్తి జస్టిస్ సంజీవ్ ఖన్నా నేతృత్వంలోని కొలీజియం ఆమోదం తెలిపింది.
ఏప్రిల్ 15వ తేదీ నుంచి 19వ తేదీ వరకు జరిగిన కొలీజియం సమావేశాల్లో ఈ నిర్ణయం తీసుకుంది. జస్టిస్ హేమంత్ చందన్గౌడర్ కర్ణాటక హైకోర్టు నుంచి మద్రాస్ హైకోర్టుకు బదిలీ అయ్యారు. మరో జడ్జి జస్టిస్ కృష్ణన్ నటరాజన్ కేరళ హైకోర్టుకు బదిలీ అయ్యారు. జస్టిస్ నెరనహళ్లి శ్రీనివాస్ సంజయ్ గౌడను గుజరాత్ హైకోర్టుకు, ఒడిశా హైకోర్టుకు జస్టిస్ దీక్షిత్ కృష్ణ శ్రీపాద్ను బదిలీ చేసింది. తెలంగాణ హైకోర్టు న్యాయమూర్తులు జస్టిస్ పెరుగు శ్రీ సుధ కర్ణాటకకు, జస్టిస్ కాసోజు సురేందర్ మద్రాస్ హైకోర్టుకు బదిలీ అయ్యారు. ఏపీ హైకోర్టు జడ్జి జస్టిస్ కుంభజడల మన్మధరావును కర్ణాటక హైకోర్టుకు బదిలీ అయ్యారు.
