పులి, చిరుత సాధారణంగా ఎదురుపడితే ఎలా ఉంటుంది. నువ్వా నేనా అన్నట్లు ఒకదానిపై మరొకటి తలపడేందుకు రెడీగా ఉంటాయి. కదనరంగంలోకి దిగి తమ సత్తా ఏంటో చూపించాలని ఉవ్విళ్లూరుతుంటాయి. ఒకదానిపై మరొకటి పైచేయి సాధించాలని తపన పడుతూ ఉంటాయి.
కానీ ఇక్కడ మాత్రం పులి, చిరుత చాలా అసాధరణంగా వ్యవహరించాయి. ఒకదానికొకటి ఎదురుపడినా ఎలాంటి అలికిడి చేయలేదు. అసలు ఈ రెండు ఎదురుపడ్డాక ఏం జరిగిందో తెలియాలంటే ఈ వీడియో చూసేయండి.
This face off between the tiger & leopard is bit unnatural.
What do you think as to why both backed up without attacking each other. Peaceful coexistence? pic.twitter.com/O7yTkkFYil— Susanta Nanda (@susantananda3) February 22, 2023
ఐఎఫ్ఎస్ అధికారి సుశాంత నంద ఓ వీడియోను ట్విటర్లో పోస్టు చేశారు. ఇది అసాధారణ ప్రవర్తన అంటూ క్యాప్షన్ ఇచ్చారు. ఈ వీడియోలో పులి, చిరుత ఒకదానికొకటి ఎదురుపడ్డాయి. దూరం నుంచి చెట్టుపై ఉన్న చిరుతను పులి గమనిస్తూ ఉంటుంది. చిరుత కిందకు దూకగానే పులి దాని వద్దకు వెళ్లింది. అయితే రెండు ఒకదానికొకటి ఎదురుపడ్డా తలపడలేదు. కాసేపు ఒకరినొకరు చూసుకున్నాయి. తర్వాత రెండు వాటి దారిలో అవి వెళ్లాయి. ఈ వీడియో ప్రస్తుతం నెటిజన్లను బాగా ఆకట్టుకుంటోంది.
