న్యూఢిల్లీ: బీజేపీ పార్లమెంటరీ పార్టీ సమావేశం పార్లమెంట్ భవనంలో ప్రారంభమైంది. ఈ సమావేశానికి ప్రధాని నరేంద్ర మోదీతో పాటు కేంద్ర మంత్రులు రాజ్‌నాథ్‌ సింగ్‌, నిర్మలా సీతారామన్‌, స్మృతి ఇరానీ, తదితరులు హాజరయ్యారు. పార్లమెంట్ సమావేశాల్లో పెగాసస్ అంశంపై నెలకొన్న పరిస్థితులు, ప్రతిపక్షాల తీరుపై ఈ సమావేశంలో చర్చిస్తున్నారు. ప్రస్తుతం పార్లమెంట్ సమావేశాలు కొనసాగుతున్న విషయం తెలిసిందే. ఈ సమావేశం అనంతరం ప్రధాని నరేంద్ర మోదీ, కేంద్ర హోంమంత్రి అమిత్‌షా, బీజేపీ జాతీయ చీఫ్‌ జేపీ నడ్డా ప్రత్యేకంగా భేటీకానున్నారు. దేశంలో నెలకొన్న పరిస్థితులతో పాటు కర్ణాటకలో ఏర్పడిన రాజకీయ పరిణామాలపైనా చర్చించే అవకాశం ఉంది.
