మాట‌ల మాంత్రికుడు త్రివిక్రమ్ శ్రీనివాస్ దర్శకత్వంలో పవర్ స్టార్ పవన్ కల్యాణ్ కథానాయకుడిగా 2018 లో సంక్రాంతికి `అజ్ఞాతవాసి` చిత్రం విడుద‌ల అయింది. ఈ చిత్రంలో కీర్తి సురేష్, అను ఇమ్మాన్యుయేల్ హీరోయిన్లుగా న‌టించారు. విడుదలకు ముందే ఎన్నో సంచలనాలకు వేదికగా నిలిచిన ఈ చిత్రం బాక్సాఫీస్ వ‌ద్ద తొలి రోజు మంచి క‌లెక్షన్స్‌ను సాధించినా డిజాస్టర్ సినిమాగానే మిగిలింది.
బాక్సాఫీస్ వ‌ద్ద రాణించ‌లేక‌పోయిన ఈ చిత్రం యూ ట్యూబ్‌లో మాత్రం సెన్సేష‌న్‌ను క్రియేట్ చేస్తోంది. అజ్ఞాతవాసి సినిమాను హిందీ భాషలో డబ్బింగ్ చేసి ఆ సినిమాకు `ఎవడు 3` అనే టైటిల్‌తో యూ ట్యూబ్‌లో విడుద‌ల చేశారు. అయితే ఈ సినిమా యూట్యూబ్ లో 100 మిలియన్ల వ్యూస్ సాధించింది. పవర్ స్టార్ పవన్ కళ్యాణ్ హిందీ డబ్బింగ్ సినిమాల్లో 100 మిలియన్ల వ్యూస్ అందుకున్న తొలి సినిమాగా అజ్ఞాతవాసి రికార్డు క్రియేట్ చేసింది.
