దాదాపు 36 సంవత్సరాల క్రితం పవర్పాయింట్ సాఫ్ట్‌వేర్‌ను సహ-సృష్టించిన డెన్నిస్ ఆస్టిన్ యుఎస్‌లో కన్నుమూశారు. ఆస్టిన్ ఊపిరితిత్తుల క్యాన్సర్‌తో మరణించాడు, అది మెదడుకు వ్యాపించిందని ది వాషింగ్టన్ పోస్ట్ నివేదించింది. సాఫ్ట్‌వేర్ సంస్థ ఫోర్‌థాట్ ద్వారా 1987లో విడుదల చేయబడింది, పవర్పాయింట్ ఓవర్‌హెడ్ ప్రొజెక్టర్‌లకు డిజిటల్ వారసుడు, “స్లయిడ్‌లను సృష్టించే శ్రమతో కూడిన ప్రక్రియను మారుస్తుంది”. కంపెనీ 1987లో సాఫ్ట్‌వేర్‌ను విడుదల చేసింది మరియు మైక్రోసాఫ్ట్ కంపెనీని కొన్ని నెలల తర్వాత $14 మిలియన్లకు కొనుగోలు చేసింది. 1993 నాటికి పవర్పాయింట్ సేల్స్ ఏకంగా ప‌ది కోట్ల సేల్స్ న‌మోదు చేసింది. ఫోర్‌థాట్‌కు చెందిన రాబ‌ర్ట్ గ‌స్కిన్స్‌తో క‌లిసి అస్టిన్ ప‌వ‌ర్‌పాయింట్‌పై ప‌నిచేశారు.
సాఫ్ట్‌వేర్ ఇంజ‌నీర్‌గా అస్టిన్ ప‌వ‌ర్‌పాయింట్‌ను సుల‌భంగా నిర్వ‌హించేలా స‌ర‌ళ‌త‌రం చేశాడు. కేవ‌లం స్లైడ్స్ కాకుండా ప్రెజెంటేష‌న్స్‌ను ప‌క‌డ్బందీగా ఇచ్చేలా పవర్పాయింట్ ప్రెజేంటేష‌న్‌ను అస్టిన్ డెవ‌ల‌ప్ చేశారు. డెన్నిస్ అస్టిన్ ప‌వ‌ర్‌పాయింట్‌ను డిజైన్ చేయ‌కుంటే దాని గురించి ఏ ఒక్క‌రూ వినిఉండేవారు కాద‌ని త‌న పుస్త‌కంలో గ‌స్కిన్స్ రాసుకొచ్చారు. ప‌వ‌ర్‌పాయింట్‌పై ప్ర‌తిరోజూ 5 కోట్ల ప్రెజంటేష‌న్స్ క్రియేట్ అవుతున్నాయి. కార్పొరేట్ ఎగ్జిక్యూటివ్‌లు, బిజినెస్ స్కూల్స్‌, ప్రొఫెస‌ర్లు, మిలట‌రీ జ‌న‌ర‌ల్స్ ఈ సాఫ్ట్‌వేర్‌ను వాడుతున్నారు.
