ప్రతి తల్లిదండ్రుల కల.. ఆరోగ్యకరమైన, తెలివైన బిడ్డకు జన్మనివ్వడం. ఆధునిక వైద్యంతో పాటు, మన ప్రాచీన భారతీయ సంప్రదాయంలో గర్భధారణ సమయంలో తల్లి మరియు బిడ్డ ఆరోగ్యాన్ని, మేధస్సును పెంపొందించడానికి అద్భుతమైన మార్గం ఉంది. అదే బీజ్ సంస్కార్! మరి ప్రెగ్నెన్సీ వెల్‌నెస్‌కి ఇది నిజంగా ఒక వరమా? ఒక శిశువు గర్భంలోనే ఉత్తమ లక్షణాలను ఎలా అందిపుచ్చుకుంటుందో తెలుసుకుందాం.
బీజ్ సంస్కార్ అనేది కేవలం గర్భధారణ సమయంలో చేసే క్రియ కాదు. ఇది గర్భం ధరించడానికి ముందు తల్లిదండ్రులు ఇద్దరూ తమ శరీరాన్ని, మనస్సును, ఆత్మను శుద్ధి చేసుకునే ప్రక్రియ. మన ప్రాచీన ఆయుర్వేదం ప్రకారం, ఒక మొక్క యొక్క విత్తనం (బీజ్) ఎంత ఆరోగ్యంగా ఉంటే, వచ్చే మొక్క అంత బలంగా ఉంటుంది.
అదే విధంగా, శిశువుకు జన్మనిచ్చే తల్లిదండ్రుల యొక్క ‘బీజ్’ (శుక్ర కణం, అండం) ఆరోగ్యంగా ఉండాలి. ఈ సంస్కారంలో భాగంగా సరైన ఆహారం, వ్యాయామం, పంచకర్మ చికిత్సలు మరియు ధ్యానం వంటివి ఉంటాయి. ఈ పద్ధతి ద్వారా తల్లిదండ్రుల యొక్క శారీరక, మానసిక ఆరోగ్యాన్ని మెరుగుపరచడం తద్వారా పుట్టబోయే బిడ్డకు ఉత్తమమైన వాతావరణాన్ని, ఉత్తమ జన్యు లక్షణాలను అందించడమే దీని ప్రధాన లక్ష్యం.
బీజ్ సంస్కార్ మరియు గర్భ సంస్కార్ పద్ధతులు తల్లి మరియు బిడ్డ ఇద్దరికీ అనేక ప్రయోజనాలను అందిస్తాయి. తల్లి మానసికంగా ప్రశాంతంగా, శక్తివంతంగా ఉంటుంది. ఇది ప్రెగ్నెన్సీ సంబంధిత ఒత్తిడి, ఆందోళనలను తగ్గిస్తుంది. ఈ పద్ధతులు పాటించడం వలన ఆరోగ్యకరమైన, సరైన బరువుతో శిశువు జన్మించే అవకాశాలు పెరుగుతాయి. ముఖ్యంగా, సానుకూల ఆలోచనల వాతావరణంలో పెరిగిన శిశువులు జన్మతహా మంచి లక్షణాలు, తెలివితేటలు, ప్రశాంతమైన స్వభావాన్ని కలిగి ఉంటారని ప్రాచీన గ్రంథాలు చెబుతున్నాయి. కాబట్టి, ఇది ఆధునిక వెల్‌నెస్‌కి లభించిన ఒక ప్రాచీన వరం అనడంలో సందేహం లేదు.
బీజ్ సంస్కార్ అనేది ఒక శిశువు యొక్క శారీరక, మానసిక మరియు ఆధ్యాత్మిక ఆరోగ్యం కోసం తల్లిదండ్రులు తీసుకునే మొదటి అడుగు. ఇది కేవలం సాంప్రదాయం కాదు, ఆరోగ్యకరమైన, మేధా సంపత్తి గల సంతానాన్ని అందించే ఒక శాస్త్రీయ పద్ధతి.
గమనిక: బీజ్ సంస్కార్ మరియు గర్భ సంస్కార్ పద్ధతులను పాటించే ముందు, తప్పకుండా ఆయుర్వేద లేదా అనుభవజ్ఞులైన ‘గర్భ సంస్కార్’ నిపుణులను సంప్రదించడం మంచిది. ఇది వ్యక్తి యొక్క ఆరోగ్యం, శరీర తత్వాన్ని బట్టి మార్గదర్శకాలను అనుసరించడానికి సహాయపడుతుంది.
